قازاقستاننىڭ مىسىرداعى ەلشىسى ارمان يساعاليەۆتىڭ قازاق-مىسىر ىنتىماقتاستىعى مەن ونىڭ دامۋ پەرسپەكتيۆالارى تۋرالى بۇقارالىق اقپارات قۇرالدارى وكىلدەرىنە ارنالعان ارنايى بريفينگى ءوتتى.
بريفينگ بارىسىندا ەلشى قازاقستان مەن مىسىر اراسىنداعى ساياسي-ەكونوميكالىق, مادەني-گۋمانيتارلىق ىنتىماقتاستىقتىڭ قازىرگى جاعدايى مەن دامۋ پەرسپەكتيۆالارى تۋرالى بايانداما جاسادى.
قازاقستان ءۇشىن تاياۋ شىعىس جانە سولتۇستىك افريكاداعى ماڭىزدى سەرىكتەس ەل بولىپ تابىلاتىن مىسىرمەن سەنىمدى ساياسي ديالوگ, حالىقارالىق جانە ايماقتىق ۇيىمدار شەڭبەرىندە تىعىز ىقپالداستىق ورناتىلعاندىعى باسىپ ايتىلدى.
مىسىر قازاقستان پرەزيدەنتى نۇرسۇلتان نازارباەۆتىڭ بارلىق حالىقارالىق جانە ايماقتىق باستامالارىن, اتاپ ايتقاندا, يادرولىق قارۋلاردى تاراتپاۋ, دىنارالىق ديالوگ, تەرروريزمگە قارسى كۇرەس جانە تاعى باسقا دا حالىقارالىق باستامالارىن قولدايدى.