سىرتقى ىستەر ءمينيسترى قايرات ءابدىراحمانوۆ جانە اقپارات جانە بايلانىس ءمينيسترى داۋرەن اباەۆ «Astana Hub» حالىقارالىق IT-ستارتاپتار تەحنوپاركى الاڭىندا «تسيفرلىق قازاقستان» مەملەكەتتىك باعدارلاماسىن ىسكە اسىرۋعا شەتەلدىك ارىپتەستەردى تارتۋ ماسەلەسى بويىنشا ۆەدومستۆوارالىق ىنتىماقتاستىقتى تالقىلادى.
تەحنولوگيالار ترانسفەرتىنە, «Astana Hub» حالىقارالىق IT-ستارتاپتار تەحنوپاركىنىڭ نەگىزىندە بىرلەسكەن جوبالاردى جۇزەگە اسىرۋعا شەتەلدىك ارىپتەستەردى تارتۋ ماسەلەسىنە ەرەكشە نازار اۋدارىلدى.
شەتەلدىك ۆەنچۋرلىق قورلاردى, ءىرى حالىقارالىق IT-كوماندالار مەن كومپانيالارىن تارتۋعا, سونداي-اق روۋد-شوۋلارعا, بيزنەس-فورۋمدارعا جانە «Astana Hub» جۇمىسىن دارىپتەۋ ءۇشىن باسقا دا ءىس-شارالارعا قاتىسۋعا جاردەمدەسۋ قاجەتتىگى اتالدى. سونىمەن قاتار, حالىقارالىق تەحنوپاركتىڭ شەتەلدىك ارىپتەستەرىنىڭ ۆيزالىق قولداۋ جانە ولاردىڭ قازاقستاندا بولۋىن رەتتەۋ ماسەلەلەرىنە ەرەكشە نازار اۋدارىلدى.