كاسىپقوي بوكستان اقش-تىڭ كاليفورنيا شتاتىنداعى كوستا-مەسا قالاسىندا وتكەن قازاقستاندىق ءالي احمەدوۆ پەن مەكسيكالىق دجوۆاني حاۆەر گومەس اراسىنداعى جەكپە-جەك جەرلەسىمىزدىڭ ايقىن جەڭىسىمەن اياقتالدى.
جارتىلاي اۋىر سالماقتا كۇش سىناسىپ جۇرگەن 27 جاستاعى گومەس وسى كۇنگە دەيىن 31 كەزدەسۋدە 17 رەت جەڭىسكە جەتىپ, 11 باسەكەنى مەرزىمىنەن بۇرىن اياقتاعان ەدى. ال 23 جاستاعى احمەدوۆ بولسا, 12 جەكپە-جەكتىڭ بارلىعىندا باسىمدىق تانىتىپ, 9 قارسىلاسىن ەسىنەن تاندىردى. بۇل كەشتە قازاقستاندىق ورەننىڭ ۇستەمدىگى بىردەن بايقالدى.
باسەكە باستالعان بەتتە تىزگىندى مىقتاپ قولعا العان ءالي ءدجوۆاننيدى اۋىر سوققىلاردىڭ استىنا الدى. العاشىندا قارسىلىق كورسەتۋگە تىرىسقان مەكسيكالىق بوكسشى اقىرىندا بۇيىرىنەن قاتتى سوققى جىبەرىپ الدى. سودان ول كەزدەسۋدى جالعاستىرۋعا جارامادى. وسىلايشا, بۇل ايقاستىڭ تاعدىرى ءبىرىنشى راۋندتا-اق شەشىلدى.
وسى جەڭىسىنىڭ ارقاسىندا ءالي احمەدوۆ ءوزىنىڭ تيەسىلى NABF Junior نۇسقاسى بويىنشا چەمپيوندىق اتاقتى ساقتاپ قالدى. عالىم سۇلەيمەن,
«ەگەمەن قازاقستان»