ەلورداداعى ۇلتتىق مۋزەي عيماراتىنان ءورت شىقتى, دەپ حابارلادى قر ءىىم توتەنشە جاعدايلار كوميتەتىنىڭ رەسمي وكىلى نۇرسۇلتان نۇراحمەتوۆ.
ونىڭ ايتۋىنشا, جەرگىلىكتى ۋاقىت بويىنشا ساعات 12:44-تە تاۋەلسىزدىك كوشەسى بويىندا ورنالاسقان قر ۇلتتىق مۋزەيى عيماراتىنىڭ استىڭعى قاباتىنداعى اككۋمۋلياتور باتارەياسىنىڭ ورتەنگەندىگى تۋرالى حابارلاما تۇسكەن. «الدىن الا مالىمەتتەرگە سايكەس ءورت 5 شارشى مەتر اۋماقتى شارپىعان. ساعات 13:05-تە قىزىل جالىن اۋىزدىقتالىپ, 13:08-دە تولىقتاي ءوشىرىلدى. قازا تاپقاندار مەن زارداپ شەكەندەر جوق, ءورتتى سوندىرۋگە ءورت ءسوندىرۋ قىزمەتىنىڭ 18 مامانى مەن 4 ءورت ءسوندىرۋ تەحنيكاسى جۇمىلدىرىلدى», دەدى ن.نۇراحمەتوۆ.