كەزدەسۋگە پرەزيدەنت اكىمشىلىگىنىڭ باسشىسى ءا.يسەكەشەۆ, دەنساۋلىق ساقتاۋ ءمينيسترى ە.ءبىرتانوۆ, «University Medical Center» كورپوراتيۆتىك قورى باسقارماسىنىڭ توراعاسى ج.ءجۇمادىلوۆ قاتىستى.
ەلباسىعا «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى بيىلعى جولداۋدا ايتىلعان استاناداعى ۇلتتىق عىلىمي ونكولوگيالىق ورتالىق قۇرىلىسىنىڭ تۇجىرىمداماسى ۇسىنىلدى.
دەنساۋلىق ساقتاۋ ءمينيسترىنىڭ مالىمەتىنە سايكەس, بۇل ورتالىقتىڭ قۇرىلىس جۇمىستارى بيىل باستالادى. جاڭا مەديتسينا مەكەمەسىندە قاتەرلى ىسىك اۋرۋلارىنا دياگنوستيكا جاساپ, ەمدەۋ ءۇشىن وزىق تەحنولوگيا, سونىڭ ىشىندە لازەرلىك, ساۋلەلىك, جاسۋشالى-ءيممۋندى تەراپيا جانە وزگە دە زاماناۋي ادىستەر قولدانىلاتىن بولادى.
سونىمەن قاتار, مەملەكەت باسشىسىنا جولداۋداعى جەكەلەگەن باعىتتاردى ىسكە اسىرۋعا قاتىستى نازارباەۆ ۋنيۆەرسيتەتىنىڭ قازىرگى جۇمىستارى جونىندە باياندالدى.
ش.كاتسۋ قازاقستان پرەزيدەنتىنە يننوۆاتسيالىق كلاستەردىڭ جۇمىس جوسپارى مەن ۋنيۆەرسيتەتتىڭ عىلىمي-زەرتحانالىق كەشەنىنىڭ ىسكە قوسىلۋى جونىندە مالىمدەپ, نازارباەۆ زياتكەرلىك مەكتەپتەرىن دامىتۋدىڭ بىرقاتار ماسەلەلەرىن اتاپ ءوتتى.
كەزدەسۋ قورىتىندىسى بويىنشا نۇرسۇلتان نازارباەۆ بىرقاتار ناقتى تاپسىرما بەردى.