اقتوبەدە كامەلەتكە تولماعان ازات ءدۇسىپوۆتى پىشاقتاپ ولتىرگەن بەكناز كەڭشىلىككە سوت ۇكىمى شىقتى.
اقتوبە وبلىستىق قىلمىستىق ىستەر جونىندەگى مامانداندىرىلعان اۋدانارالىق سوتىندا سوتتالۋشى بەكناز كەڭشىلىككە سوت ۇكىمى شىقتى. بەكناز كەڭشىلىك 9 جىلعا باس بوستاندىعىنان ايىرىلدى. سۋديا ازات ءدۇسىپوۆتىڭ جۇرەگى, وكپەسىنە بىرنەشە رەت پىشاق سۇققان ب.كەڭشىلىكتىڭ وقيعا ورنىنان قاشىپ كەتكەنىن اتاپ ءوتىپ, ونىڭ قىلمىسقا جوسپارلى تۇردە بارعانىن ايتتى. «بەكناز كەڭشىلىك قىلمىستىق كودەكستىڭ «ادام ءولتىرۋ» بابى بويىنشا ايىپتى دەپ تانىلىپ, 9 جىلعا باس بوستاندىعىنان ايىرۋ جازاسى تاعايىندالسىن. جازاسىن قىلمىستىق اتقارۋ جۇيەسىنىڭ قاۋىپسىزدىگى ورتاشا مەكەمەسىندە وتەسىن», - دەدى سۋديا التىنبەك سابىروۆ.