ارگەنتينادا ءوتىپ جاتقان جاسوسپىرىمدەر وليمپياداسىندا كوركەم گيمناستيكا مەن دزيۋدو سپورتىنان جارىستار اياقتالدى. اتالعان سپورت تۇرلەرىنەن سوڭعى جارىس كۇنىندە گيمناست روزا ابيتوۆا كۇمىس, دزيۋدوشى بەكارىس سادۋاقاس قولا جۇلدە يەلەندى.
روزا ابيتوۆا فينالعا شىققان سەگىز سپورتشىنىڭ قاتارىنا ەنە الماي, فينالدان تىس قالعان بولاتىن. بىراق ۇيىمداستىرۋشىلار سپورتشىلاردى سىرتتاي كوماندالارعا ءبولىپ, حالىقارالىق قۇرام جاساقتاعان. روزا ەنگەن كوماندا ۇپاي سانى بويىنشا ەكىنشى ورىننان كورىنىپ, وتانداسىمىز كۇمىس جۇلدەنى ولجالادى.
ال دزيۋدوشىلار اراسىندا سوڭعى باسەكەدە سپورتشىلار بىرنەشە كومانداعا ءبولىنىپ, بەلدەسكەن بولاتىن. وتانداسىمىز بەكارىس سادۋاقاستىڭ «لوندون» كومانداسى جارتىلاي فينالدا «بەيجىڭ» كومانداسىنان جەڭىلىپ, ءۇشىنشى ورىندى قاناعات تۇتتى.
دايىنداعان الي بيتورە,
«ەگەمەن قازاقستان»