ەۋروپالىق فۋتبول قاۋىمداستىقتارى كەڭەسىنىڭ (ۋەفا) باسشىلىعى ۇلتتار ليگاسىنا قاتىسىپ جاتقان ۇلتتىق قۇرامالاردىڭ جۇلدە قورىن ارتتىرۋ تۋرالى شەشىم قابىلداپ, تۋرنير جەڭىمپازىنا 10,5 ميلليون ەۋرو سىياقى تابىستايتىن بولدى.
سونداي-اق كوماندالارعا ۇلتتار ليگاسىنا قاتىسقانى ءۇشىن دە سىياقى بەرىلەدى. مىسالى, «ا» ليگاسىندا سىنعا تۇسەتىن قۇرامالار 2,25 ميلليون ەۋرو, «ۆ» ليگاسى – 1,5 ميلليون ەۋرو, «س» ليگاسى – 1,125 ميلليون, «D» ليگاسى – 750 مىڭ ەۋرو. ءار ليگانىڭ جەڭىمپازى بونۋس رەتىندە ەكى ەسە تابىسقا كەنەلەدى.
فينالدىق كەزەڭنىڭ العاشقى ءتورت كومانداسى دا ۇستەمە الادى. ءتورتىنشى ورىن العان كوماندا 2,5 ميلليون, ءۇشىنشى – 3,5 ميلليون, فينالعا جەتكەن كوماندا – 4,5 ميلليون, ال جەڭىمپاز قۇراما 6 ميلليون ەۋرو الادى.
دايىنداعان الي بيتورە,
«ەگەمەن قازاقستان»