«قازپوچتا» اق ماڭعىستاۋ وف كليەنتتەرگە قىزمەت كورسەتۋدىڭ جاڭا قاعيداتى ەنگىزىلدى. بولىمشەنىڭ اشىلۋىنا سالتاناتىنا وبلىس اكىمى ەرالى توعجانوۆ قاتىستى. ايماق باسشىسى قازپوشتا بولىمشەسىن ارالاپ, كليەنتتەر ءۇشىن بىرنەشە ايماققا بولىنگەن: جەكە تۇلعالارعا ارنالعان قارجى قىزمەتتەرى بويىنشا وپەراتسيالىق زالدار, پوسىلكا سۋپەرماركەتى مەن ايىرباستاۋ پۋنكتىن ارالاپ كوردى.
- «ترانسفورماتسيا» جانە «تسيفرلى قازاقستان» باعدارلامالارى اياسىندا قازپوچتا حالىقارالىق ۇيىمدارعا كىرۋدەن باستاپ ەلەكتروندىق كوممەرتسيامەن, قىزمەتتەردى تسيفرلاندىرۋمەن, ونلاين-بانكينگپەن بايلانىستى يننوۆاتسيالىق جوبالارعا دەيىن قىزمەت سالاسىن كەڭەيتتى. ەگەر بۇرىن ماڭعىستاۋ وبلىسىنا 30 مىڭ بىرلىك حات-حابار كەلسە, ەلەكتروندىق كوممەرتسيانىڭ جىلدام دامۋى ارقاسىندا قازىر 90 000-عا دەيىن كەلەدى. ەگەر بۇرىن بايلانىس بولىمشەلەرىنە ادامدار سالەمدەمەلەر مەن حاتتاردى جىبەرۋ نەمەسە الۋ ءۇشىن جۇرسە, قازىرگى ۋاقىتتا قازپوشتاعا ادامدار اۋدارىمداردى جىبەرۋ, نەسيەنى وتەۋ, دەپوزيتتى تولتىرۋ, كارتالاردى شىعارۋ جانە كوممۋنالدىق قىزمەتتەردى تولەۋ بويىنشا جۇگىنەدى. بۇل بولىمدەردەگى كەزەكتى قىسقارتۋعا مۇمكىندىك بەرەدى جانە حالىققا كوبىرەك جايلىلىق بەرەدى, دەدى اكىم ەرالى توعجانوۆ.
2012 جىلدان 2016 جىلعا دەيىن ماڭعىستاۋ وبلىسىندا ءۇش پوسىلكا سۋپەرماركەتى اشىلدى. مۇنايلى اۋدانىنداعى پوشتا بولىمشەسى جاڭا عيماراتقا كوشتى. سونىمەن قاتار, اتامەكەن كەنتىندە جاڭا تەحنولوگيالارمەن جابدىقتالعان جاڭا ءموبيلدى پوشتا بولىمشەسى اشىلدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى