«الماتى» كلۋبى باس جۇلدەنى ولجالادى

يران, ءۇندىستان, وزبەكستان جانە قازاقستاننىڭ بىرقاتار بەلدى كوماندالارى باق سىناعان جارىستا «الماتىنىڭ» ارۋلارى الدارىنا جان سالمادى. بەس باسەكەنىڭ بارلىعىندا جەڭىسكە جەتكەن الاڭ يەلەرى 10 ۇپايدى ەنشىلەپ, چەمپيوندىق اتاققا قول جەتكىزدى. ال قىزىلوردانىڭ «قايسارى» مەن «استانا» كوماندالارى كۇمىس پەن قولا مەدالدى يەلەندى.

ايتۋلى جارىستىڭ جوعارى دەڭگەيدە ۇيىمداستىرىلعانىن وزدەرىڭىزدە كوردىڭىزدەر. سول ءۇشىن دە الماتى قالالىق دەنە شىنىقتىرۋ جانە سپورت باسقارماسى مەن رەسپۋبليكالىق گاندبول فەدەراتسياسىنا زور ريزاشىلىعىمىزدى بىلدىرەمىز. ءاۋ باستان-اق ءبىز التىن تۇعىردى كوزدەگەن ەدىك. سول ماقساتىمىزعا قول جەتكىزە الدىق. ەندى الدا «الماتىنىڭ» باسقا دا ءدۇبىرلى دودالار كۇتىپ تۇر. سول باسەكەلەردە دە ءوز جانكۇيەرلەرىمىزدىڭ قۋانتۋعا تىرىسامىز, – دەيدى «الماتى» كلۋبىنىڭ جاتتىقتىرۋشىسى ارسەن بەردىبەكوۆ.  

عالىم سۇلەيمەن,

«ەگەمەن قازاقستان»

الماتى