«قورقىتتىڭ دانالىق سوزدەرى» كىتابى قازاق, ورىس جانە اعىلشىن تىلىندە شىعارىلادى. بۇل تۋرالى وڭىرلىك كوممۋنيكاتسيالار قىزمەتىنىڭ ءباسپاسوز-كونفەرەنتسياسىندا وبلىستىق ىشكى ساياسات باسقارماسىنىڭ باسشىسى تالعات ماحانوۆ ايتتى.
- قىزىلوردا وبلىسىنداعى تاريحي جانە مادەني ەسكەرتكىشتەر تەلەاتلاسى مەن ءوڭىر تاريحى تۋرالى ەلەكتروندى وقۋلىق نەمەسە جيناق ازىرلەنەدى. بۇل جوبا بويىنشا بەينەمۇراعاتتاردا ساقتالعان سىر ءوڭىرىنىڭ تاريحىنا, تاريحي-مادەني ەسكەرتكىشتەرىنە قاتىستى تۇسىرىلىمدەر, دەرەكتەر جيناقتالىپ, سونىمەن بىرگە, ايماقتىق «رۋحاني جاڭعىرۋ» ورتالىعى وبلىستا ورنالاسقان تاريحي-مادەني ەسكەرتكىشتەر مەن ورىندار, ءومىر سۇرگەن تاريحي تۇلعالار, باتىرلار مەن شايىرلار, جىراۋلار, ت.ب. تۋرالى ەل اۋزىندا جۇرگەن اڭگىمەلەر مەن اڭىزداردى جيناقتاپ, بەينەماتەريالدار ازىرلەيتىن بولادى, - دەدى باسقارما باسشىسى.
كىتاپقا سىر ءوڭىرى تۋرالى امەريكا جانە ەۋروپا ەلدەرىنەن جيھانكەزدەر, عالىمدار ارحيۆكە تاپسىرعان تىڭ دەرەكتەرى ەگىزىلەدى. بۇل قۇندى دەرەكتەر بۇرىن ەش جەردە جاريالانباعاندارىمەن دە قۇندى بولماق.
باقتيار تايجان,
«ەگەمەن قازاقستان»
قىزىلوردا وبلىسى