جاڭاقورعان اۋدانى, قوجاكەنت اۋىلىندا كۇرىش اقتايتىن زاۋىت ىسكە قوسىلدى.
تاۋلىگىنە 20-25 توننا كۇرىشتى باستىراتىن ديىرمەندى ىسكە قوسقان يزاتۋللا ۇسەنوۆ باسشىلىق جاسايتىن «نۇربول-ي» سەرىكتەستىگى شاعىن زاۋىتتى قىتاي مەملەكەتىنەن اكەلگەن ەكەن.
اۆتوماتتاندىرىلعان زاۋىتتىڭ اشىلۋ سالتاناتىنا ارنايى كەلگەن اۋدان اكىمى عالىم امىرەەۆ:
– مەملەكەت باسشىسى حالىققا ءداستۇرلى جولداۋىندا زاماناۋي تەحنولوگيالاردى كەڭىنەن پايدالانا وتىرىپ, اگروونەركاسىپ كەشەنىن دامىتۋ جايىن ايتتى. ەلباسى اگرارلىق ساياسات ەڭبەك ونىمدىلىگىن تۇبەگەيلى ارتتىرۋعا جانە وڭدەلگەن ءونىمنىڭ ەكسپورتىن ۇلعايتۋعا باعىتتالۋ كەرەكتىگىن ايرىقشا نازار اۋدارىپ وتىر. بۇل ءوز كەزەگىندە شيكىزاتتى قايتا قامتاماسىز ەتىپ, الەمدىك نارىققا ساپاسى جوعارى ءونىم شىعارۋعا مۇمكىندىك بەرەدى. مۇنداي كۇرىش اقتايتىن ءىرى تسەحتىڭ كەلەشەگى جوعارى. بۇل ەڭبەك ونىمدىلىگىن ارتتىرىپ قانا قويماي, سىرتقى نارىققا جول اشادى, – دەدى.
اۋىل ءۇشىن اۋىلشارۋاشىلىعاندا ۇلكەن مۇمكىندىكتەرگە جول اشاتىن سالتاناتتى شارادا ەل اعالارى باتا بەرىپ, اقتىلەۋ تىلەدى.
باقتيار تايجان,
«ەگەمەن قازاقستان»
قىزىلوردا وبلىسى