سەزدە ءسوز العان قىتاي بۋدديستەرى توراعاسىنىڭ ورىنباسارى چۋن ي قازاقستاندا ءارتۇرلى ءدىن وكىلدەرى بولعانىنا قاراماستان ءدىن ساياساتىنداعى رەفورمالارى الەم ەلدەرىنە ۇلگى ەكەنىن ايتتى.
«ماقساتتارى ءبىر ادامداردى ۇلكەن بيىك تاۋلار دا بولە المايدى دەگەن جاقسى ماقال بار. قازىرگى كەزدە ءارتۇرلى دىندەر مەن مادەنيەتتەر ءبىر ماقساتتى مۇددە تۇتقان ورتاق قوعامعا بىرىگۋى ءتيىس. دىندەر مەن مادەنيەتتەر قازىر ازيا مەن ەۋروپادا دا باسىن بىرىكتىرگەن نەگىزگى وداققا اينالىپ وتىر. قازاقستان ءبىرىنشى رەت وسى ءبىر بەلدەۋ, ءبىر جول دەگەن نەگىزگى باستامانى العاش رەت ۇسىنعان بولاتىن. ول وسى مۇددەسى, ماقساتى ءبىر حالىقتاردىڭ قاۋىمداستىعى بولىپ تابىلادى», دەدى چۋن ي.
ونىڭ ايتۋىنشا, ءدىن كوشباسشىلارىنىڭ باس قوسۋى باستاماسى ءارتۇرلى ءدىني مادەنيەتتەردى بىرىكتىرۋدە جانە دە ءارتۇرلى ءدىني ينتەگراتسيالاردىڭ باسىن بىرىكتىرۋدەگى نەگىزگى باعدارلاما بولىپ وتىر.
«ول وسى سوڭعى ونجىلدىقتاردىڭ ىشىندە وركەنيەتتەردى بىرىكتىرۋدەگى تابىستى جول دەپ ايتۋعا بولادى. بۇل ءبىر جول, ءبىر بەلدەۋ اتتى باعدارلاما كورسەتىپ وتىرعانداي قىتاي بۇكىل الەمگە بەيبىت دامۋ مەن بەيبىت رەفورمالاۋدىڭ نەگىزگى ءتۇجىرىمداماسىن ۇسىنا الاتىنىن كورسەتىپ وتىر», دەدى قىتاي بۋدديستەرى توراعاسىنىڭ ورىنباسارى.
اقمارال اعزامقىزى,
«ەگەمەن قازاقستان»