كەشە قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتاەۆ پەن سەربيا رەسپۋبليكاسىنىڭ پرەزيدەنتى الەكساندر ۆۋچيچ «بك تەسلا پارك» كوپ فۋنكتسيالى تۇرعىن ءۇي كەشەنىنىڭ بولاشاق قۇرىلىسى جۇرگىزىلەتىن ورىنعا كاپسۋلا سالدى, دەپ حابارلادى پرەمەر-ءمينيستردىڭ ءباسپاسوز قىزمەتى.
ب.ساعىنتاەۆ پەن ا.ۆۋچيچ جولداۋ ءماتىنىن كاپسۋلاعا ەنگىزىپ, ونى قۇرىلىستىڭ ىرگەتاسى قالاناتىن جەرگە بىرگە سالدى. جولداۋ ماتىنىندە «بك تەسلا پارك» كوپ فۋنكتسيالى تۇرعىن ءۇي كەشەنىن سالۋ ەكى ەل اراسىنداعى ارىپتەستىك بايلانىستاردى ودان ءارى نىعايتۋدا تاعى ءبىر قادام بولاتىنى جانە ۇرپاقتاردىڭ ەسىنە ءبىر-بىرىنە دەگەن ءوزارا سىي-قۇرمەتتى سالاتىنى اتاپ وتىلگەن.
«قازاقستان رەسپۋبليكاسى مەن سەربيا رەسپۋبليكاسى تۇرعىندارىنىڭ اراسىنداعى دوستىق ءبىزدىڭ باۋىرلاس حالىقتارىمىزدىڭ اراسىنداعى سان عاسىرلىق قارىم-قاتىناستار تاريحىنىڭ ەرەكشە بەتتەرى بولىپ قالا بەرەدى», دەلىنگەن جولداۋدا.
سونىمەن قاتار شاراعا استانا قالاسىنىڭ اكىمى ب.سۇلتانوۆ, قازاقستاننىڭ سەربياداعى توتەنشە جانە وكىلەتتى ەلشىسى ن.رۇستەموۆ, سەربيانىڭ قازاقستانداعى توتەنشە جانە وكىلەتتى ەلشىسى ۆ.ماتيچ قاتىستى.
ەسكە سالا كەتەيىك, سەربيا رەسپۋبليكاسىنىڭ پرەزيدەنتى الەكساندر ۆۋچيچ استاناعا الەمدىك جانە ءداستۇرلى دىندەر كوشباسشىلارىنىڭ VI سەزىنە قاتىسۋ ءۇشىن رەسمي ساپارمەن كەلدى.