قازاق ادەبيەتى اسا كورنەكتى جازۋشىسى, پۋبليتسيست شەرحان مۇرتازادان ايىرىلدى. الاش ارمانىن تۋ قىلعان, ار-نامىسى الداسپاننىڭ جۇزىندە ويناعان, ەلىنىڭ ەرتەڭىن ويلاعان تۇلعانىڭ ورنى ويسىراپ-اق قالدى.
شەرحان مۇرتازا 1932 جىلى 28 قىركۇيەكتە جامبىل وبلىسى, جۋالى اۋدانى, مىڭبۇلاق اۋىلىندا دۇنيەگە كەلگەن. 1955 جىلى م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىن تامامداعان. «لەنينشىل جاس» (قازىرگى «جاس الاش») گازەتىنىڭ, «سوتسياليستىك قازاقستان» (قازىرگى «ەگەمەن قازاقستان») گازەتىنىڭ ءتىلشىسى, ادەبي قىزمەتكەرى بولدى. 1963-1970 جىلدارى «لەنينشىل جاس» گازەتىنىڭ رەداكتورى, «جازۋشى» باسپاسىنىڭ, «جالىن» الماناحىنىڭ, «جۇلدىز» جۋرنالىنىڭ باس رەداكتورى, قازاقستان جازۋشىلار وداعى باسقارماسىنىڭ ەكىنشى حاتشىسى, «قازاق ادەبيەتى» گازەتىنىڭ باس رەداكتورى ءارى قازاقستان جازۋشىلار وداعى باسقارماسىنىڭ حاتشىسى, 1989-1992 جىلدارى «ەگەمەن قازاقستان» گازەتىنىڭ باس رەداكتورى, 1992–1994 جىلدارى قر مەملەكەتتىك تەلەراديو كومپانياسىنىڭ توراعاسى بولىپ ىستەدى. قر پارلامەنتىنىڭ ءماجىلىس دەپۋتاتى بولعان. جازۋشىنىڭ ءار جىلدارى «تابىلعان تەڭىز» (1963), «بەلگىسىز سولداتتىڭ بالاسى» (1969), «احمەتجاننىڭ انتى» (1973), «مىلتىقسىز مايدان» (1977) پوۆەستەرى, «41-جىلعى كەلىنشەك» (1972), «ينتەرنات نانى» (1974) اڭگىمەلەرى, «قارا مارجان» (1977), بەس كىتاپتان تۇراتىن «قىزىل جەبە», «اي مەن ايشا» (1999) روماندارى, شىعارمالارىنىڭ ءتورت تومدىعى (1990-2000), شىعارمالارىنىڭ 6 تومدىعى, تاڭدامالى شىعارمالارىنىڭ 7 تومدىعى, «ەلىم, ساعان ايتام, ەلباسى, سەن دە تىڭدا» (ك. سمايىلوۆپەن بىرگە) (1998), ء«بىر كەم دۇنيە» (2008) كىتاپتارى جارىق كورگەن.
قازاق رۋحانياتىندا ۇلت قالامگەرلەرىنىڭ ۇلى مەكتەبىن قالىپتاستىرعان, ادەبيەتىمىزدىڭ الىبى, مەملەكەت جانە قوعام قايراتكەرى شەرحان مۇرتازا ومىردەن وزدى. قايتالانباس قايسار تۇلعانىڭ تۋعان ەلىنە, تۋعان جۇرتىنا قارالى تۋدى قۇشاقتاپ كوڭىل ايتامىز!
مادەنيەت جانە سپورت مينيسترلىگى,
قازاقستان جازۋشىلار وداعى باسقارماسى