نۇرسۇلتان نازارباەۆ باس يمامعا ءىلتيپات ءبىلدىرىپ, مۇنداي جوعارى دەڭگەيدەگى قوناقتاردىڭ الەمدىك جانە ءداستۇرلى دىندەر كوشباسشىلارىنىڭ VI سەزىنە قاتىسۋىنىڭ قازاقستان ءۇشىن ماڭىزى زور ەكەنىن اتاپ ءوتتى, دەپ حابارلايدى اق وردانىڭ ءباسپاسوز قىزمەتى.
– ءبىزدى ءال-ازھار ۋنيۆەرسيتەتىمەن ەرتەدەن ورناعان قارىم-قاتىناستار بايلانىستىرادى ءارى ونىڭ عالىمدارىنىڭ ەڭبەكتەرىمەن تانىسپىز. ءسىزدىڭ سەزگە قاتىسۋىڭىز ورتاق ىسىمىزگە قوسىلعان زور ۇلەس بولاتىنىنا سەنىمدىمىن, – دەدى مەملەكەت باسشىسى.
شەيح احماد ات-تايەب فورۋمعا شاقىرعانى ءۇشىن قازاقستان پرەزيدەنتىنە العىس ءبىلدىردى.
– مەنىڭ قازاقستانعا العاش ساپارمەن كەلگەن كەزىمنەن بەرى استانا قاتتى وزگەرگەن. مۇندا كوپتەگەن ادەمى عيماراتتار بوي كوتەرىپتى, – دەدى ءدىن قىزمەتكەرى.
كەزدەسۋ بارىسىندا تاراپتار كونفەسسياارالىق ديالوگتىڭ وزەكتى ماسەلەلەرى مەن ونى ءارى قاراي دامىتۋ پەرسپەكتيۆالارىن تالقىلادى.