جانىبەك «جىرتقىشپەن» جۇدىرىقتاسادى

سول بوكس كەشىندە قانداسىمىز 32 جاستاعى ۆون الەكساندەرمەن ايقاسادى. «جىرتقىش» دەگەن لاقاپ اتپەن تانىلعان امەريكالىق بوكسشى كاسىپقوي رينگتەگى ءوزىنىڭ تۇساۋكەسەر كەزدەسۋىن 2004 جىلى وتكىزدى. قاتارىنان بەس جەكپە-جەكتە قارسىلاستارىن سۇلاتىپ سالىپ, كوپشىلىك نازارىن وزىنە اۋدارعان ەدى. بىراق كوپ ۇزاماي ۆون ءىستى بولىپ, 11 جىلعا باس بوستاندىعىنان ايىرىلدى. 2015 جىلى تۇرمەدەن بوساعاننان كەيىن ول شارشى الاڭعا قايتا ورالدى. وسى كۇنگە دەيىن الەكساندەر بارلىعى 13 باسەكە وتكىزىپ, 12 رەت جەڭىسكە جەتتى. 8 قارسىلاسىن ايقىن باسىمدىقپەن ۇتتى. ول كەزىندە دەماركۋس كورلي, تيموتي برەدلي, ماركوس مايدانا, ءامىر حان, ۆيكتور ورتيس سىندى ساڭلاقتارمەن كۇش سىناسقان اتاقتى بوكسشى دەۆون الەكساندەردىڭ تۋعان اعاسى.    

ال 25 جاستاعى جانىبەك ءالىمحان ۇلى ءۇشىن بۇل كاسىپقويلار اراسىنداعى ءتورتىنشى جەكپە-جەگى بولماق. وسىنىڭ الدىنداعى باسەكەلەردىڭ بارلىعى دا قازاق جىگىتىنىڭ جەڭىسىمەن اياقتالدى.

عالىم سۇلەيمەن,

«ەگەمەن قازاقستان»