يندونەزيا استاناسى دجاكارتا قالاسىندا ءوتىپ جاتقان پارا ازيا ويىندارىنىڭ ەكى جارىس كۇنىندە قازاقستاندىق سپورتشىلار ءۇش جۇلدە يەلەنىپ ۇلگەردى.
جارىستىڭ ءبىرىنشى كۇنىندە قازاقستان قۇراماسىنىڭ قورجىنىنا العاشقى مەدالدى پاۋەرليفتينگ سپورتشىسى الينا سولودۋحينا سالدى. 45 كيلودان جوعارى سالماقتا سىنعا تۇسەتىن وتانداسىمىز 66 كيلو سالماقتى ەڭسەرىپ, قولا جۇلدەگەر اتاندى. ال ەكىنشى قولا جۇلدەنى سۋدا ءجۇزۋ سپورتى بويىنشا جارىس جولىنا شىققان دميتري لي يەلەندى.
پارا ازيادانىڭ ەكىنشى كۇنىندە سپورتشىلارىمىز ەل قورجىنىنا ءۇشىنشى جۇلدەنى سالدى. پاۋەرليفتينگ سپورتشىسى داۆيد دەگتيارەۆ 54 كيلوعا دەيىنگى ەرلەر اراسىنداعى دودادا 157 كيلو زىلتەمىردى كوتەرىپ, كۇمىسكە قول جەتكىزدى.
دايىنداعان الي بيتورە,
«ەگەمەن قازاقستان»