مەملەكەت باسشىسى نۇرسۇلتان نازارباەۆ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا «7-20-25» باعدارلاماسىنىڭ ورىندالۋ بارىسىن سىنعا العانى بەلگىلى. ەلباسى باسپانا بويىنشا باعدارلامانى جۇزەگە اسىرۋ ناتيجەلەرى اكىمدەردىڭ جۇمىس جۇرگىزۋ كورسەتكىشىنە اينالاتىنىن ايتىپ, جاۋاپتى ۆەدومستۆو باسشىلارىنا ناقتى مىندەتتەر جۇكتەگەن بولاتىن.
سول تاپسىرماعا سايكەس, يپوتەكالىق باعدارلامانىڭ قاتىسۋشىلارى ءۇشىن العاشقى جارنانى ارزانداتۋ ماقساتىندا 50 مىڭعا جۋىق تۇرعىن ءۇي سەرتيفيكاتتارى شىعارىلاتىن بولدى. قاراجات جەرگىلىكتى بيۋدجەتتەن جەڭىلدىكتى يپوتەكا ءۇشىن باستاپقى جارنانى سۋبسيديالاۋ ماقساتىنداعى قارجى ەسەبىمەن جۇزەگە اسىرىلادى. «باسپانا» يپوتەكالىق ۇيىمىنىڭ حابارلاۋىنشا, تۇرعىندارعا جىل سوڭىنا دەيىن 10 مىڭداي سەرتيفيكات تاپسىرىلادى.
«7-20-25» سەرتيفيكاتىنىڭ ورتاشا نومينالى 1 ملن تەڭگەنى قۇرايدى. وسى ماقساتتا, جەرگىلىكتى اتقارۋشى ورگاندار تاراپىنان تۇرعىنداردىڭ باعدارلاماعا قاتىسۋىن ىنتالاندىرۋ ءۇشىن كەم دەگەندە 50 ملرد تەڭگە ءبولىنۋى كوزدەلىپ وتىر.
«7-20-25» سەرتيفيكاتتارى بيۋدجەتتىك سالا قىزمەتكەرلەرى ءۇشىن العاشقى جارنانى ەداۋىر جەڭىلدەتۋ ماقساتىندا ازىرلەنىپ وتىر. سەرتيفيكاتتاردى قالا جانە وبلىس اكىمدىكتەرى ۇلەستىرەدى. مەملەكەت باسشىسى اتاپ وتكەندەي, مۇنداي تۇرعىن ءۇي سەرتيفيكاتتارىن بەرۋ مۇعالىمدەر, دارىگەرلەر, پوليتسيا قىزمەتكەرلەرى جانە باسقا دا جەرگىلىكتى وڭىرلەرگە قاجەتتى ماماندىق يەلەرى ءۇشىن يپوتەكانىڭ قولجەتىمدىلىگىن ارتتىرا تۇسپەك. ءبىز «نۇر وتان» پارتياسىنىڭ قولداۋىمەن العاشقى جارنانى ازايتۋ بويىنشا جۇمىستاردى باستاپ كەتتىك. وسى اپتادان باستاپ ءار وڭىردە «7-20-25» سەرتيفيكاتتارىن بەرە باستايمىز», دەيدى «باسپانا» يپوتەكالىق ۇيىمىنىڭ باسشىسى قايرات التىنبەكوۆ.
قۇرمانالى قالماحان,
«ەگەمەن قازاقستان»