ەلباسى نۇرسۇلتان نازارباەۆتىڭ جولداۋى حالىقتىڭ ءال-اۋقاتىن ارتتىرۋ ماسەلەسىن قامتىدى.
تابىس پەن تۇرمىس ساپاسىنا كەڭ كوڭىل ءبولىندى. تاۋەلسىزدىكتىڭ العاشقى جىلدارى قازاقستانداعى حالىق سانى 14 ميلليوننان اسپايتىن. بۇگىندە ءبىز 18 ميلليوننان اسىپ, ءومىر ءسۇرۋ ۇزاقتىعى 72,5 جاسقا دەيىن ارتىپ وتىر.
وسىنداي جەتىستىكتەردى ەسكە سالعان ەلباسى دامۋىمىز بەن حالىقتىڭ ءال-اۋقاتىن ودان ءارى ارتتىرۋ ماسەلەسىندە كۇن تارتىبىنەن تۇسپەيتىنىن جان-جاقتى جانە وتە ماڭىزدى جايتتاردى اتاي وتىرىپ قامتىدى.
اسىرەسە ءبىلىم بەرۋدىڭ تۇيتكىلدەرى, مۇعالىم مارتەبەسى جايلى ايتىلعان پرەزيدەنت ءسوزى وتە قۇپتارلىق. مۇعالىمدەردىڭ ارتىق جۇمىستارعا جەگىلىپ, رەتسىز تەكسەرۋلەرگە ۇشىراپ جۇرەتىنى شىن. ولاردىڭ باستى ماقساتى ەل بولاشاعى – ءبىلىمدى جاس وسكىندى ءوسىرىپ شىعارۋ. مۇعالىم وسى ءىسىن الاڭسىز اتقارۋى ءتيىس. مىنە, پرەزيدەنت اتالعان تۇيتكىلگە جەتە ءمان بەردى.
سونىمەن بىرگە ەلباسى ءوز جەرىمىزدەن بارلىق شيكىزات كوزىنىڭ تابىلاتىنىنا قاراماستان شەتەلدىڭ تاۋارىنا تاۋەلدىلىكتى دوعارۋ تۋرالى ايتتى. ەكونوميكالىق نەگىزى قالىپتاسقان ەلىمىزدە كيىم-كەشەك پەن تۇتىنۋ زاتتارىن ايتپاعاندا بالا ويىنشىعىنىڭ ءوزى وندىرىلمەسە, وندا بۇل شىن مانىندە ويلانارلىق ماسەلە.
وسىلارمەن قاتار پرەزيدەنت تۇرعىنداردىڭ باسپانامەن قامتىلۋ جايى, «7 – 20 – 25» باعدارلاماسىنىڭ ورىندالۋ بارىسىنا تاعى ءبىر توقتالدى. باعدارلامانىڭ قالاي جۇزەگە اسىپ جاتقانى جونىندە حالىق سەنگەن باسشىلاردىڭ تاجىريبەسىن مىسال ەتتى.
بۇل جولداۋدىڭ ەرەكشەلىگى, پرەزيدەنت ءوزى كوتەرىپ وتىرعان كۇردەلى ماسەلەلەرگە قاتىستى سالا مينيسترلەرىنەن تىلەكەي جاۋاپ الا وتىرىپ, ۇكىمەتكە بىرقاتار مىندەتتەر جۇكتەدى.
ەندىگى ماسەلە ۇكىمەت پەن جەرگىلىكتى بيلىكتىڭ ەل دامۋى جولىنداعى ەسەلى ەڭبەگى بولماق.
قۋانىشقالي شاپشاڭوۆ, ەڭبەك ارداگەرى
قىزىلوردا وبلىسى