ەلباسىمىز نۇرسۇلتان ءابىش ۇلى نازارباەۆتىڭ جىل سايىنعى جولداۋى – تاريحي قۇجات. سەبەبى ءاربىر جولداۋ – ەگەمەن ەلىمىزدى ودان ءارى دامىتۋدىڭ, بيىك تابىستارعا جەتكىزۋدىڭ ستراتەگيالىق جولى.
سونىڭ ىشىندە بيىلعى جولداۋ ەلباسىمىز نۇرسۇلتان ءابىش ۇلى نازارباەۆتىڭ قازاقستانىمىز تاۋەلسىزدىك العان كۇننەن باستاپ جۇرگىزىپ كەلە جاتقان سىندارلى ساياساتىنىڭ زاڭدى جالعاسى بولىپ تابىلادى. ول بۇكىل حالىقتىڭ, ءاربىر شاڭىراقتىڭ, ءاربىر ازاماتتىڭ جاعدايىن جاقسارتۋعا ارنالدى. وندا ەڭ الدىمەن الەۋمەتتىك سالانىڭ بارلىق باعىتىن قولداۋدىڭ ماڭىزدى مىندەتتەرى, سونىمەن بىرگە وتباسى, تۇرعىن ءۇي, شاعىن بيزنەس, ەڭبەكاقى, جاستار, اۋىل شارۋاشىلىعى, قۇقىق قورعاۋ جۇيەسىن جاڭعىرتۋدىڭ جولدارى كورسەتىلدى. ەڭ باستىسى – ولاردىڭ بارلىعى ورىندالاتىن, ناقتى جانە قاجەتتى ماقساتتار.
بۇل – پرەزيدەنتىمىزدىڭ بولاشاقتى بولجايتىن كورەگەن ساياساتىنىڭ, باتىل قادامدارىنىڭ, ستراتەگيالىق تەرەڭ ويشىلدىعىنىڭ تاعى ءبىر ناقتى كورسەتكىشى. وعان جەتكەن جەتىستىكتەرىمىزدى ساقتاپ, ولاردى ودان ءارى كۇشەيتۋدىڭ ۇلكەن مۇمكىندىكتەرىن كورسەتىپ بەرگەن, بيىلعى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» جولداۋى ناقتى دالەل دەۋگە بولادى. ونىڭ جۇكتەگەن مىندەتتەر مەن ماقساتتار اۋقىمى وتە زور.
بۇل جولى دا الەۋمەتتىك باعىت جولداۋدىڭ وزەگىنە اينالدى. الەۋمەتتىك جاڭاشىلدىقتارمەن قاتار, جولداۋدا مىقتى ەكونوميكالىق سەرپىن دە بار. وندا حالقىمىزدىڭ ءال-اۋقاتىن كوتەرۋدىڭ, باسەكەلەستىكتى كۇشەيتۋ مەن ءوسۋدىڭ تۇراقتى قارقىنىن قولداۋدىڭ ايقىن جولدارى كورسەتىلگەن. بۇل – ءاربىر قازاقستاندىق ءۇشىن, ءاربىر وتباسى ءۇشىن ماڭىزدى.
وسىنداي شىنايى ءىس-جوسپارعا قۇرىلعان, حالقىمىزدىڭ, ەلىمىزدىڭ يگىلىگىن كوزدەيتىن, ىرگەلى ىستەرگە جول اشاتىن جولداۋدى جۇزەگە اسىرۋعا بەلسەنە قاتىسۋ – بارشامىزدىڭ, ءاربىر ازاماتتىڭ ابىرويلى مىندەتى.
بۇل ءبىزدىڭ دەپۋتاتتىق كورپۋستىڭ زاڭ شىعارۋ جۇمىسىنىڭ دا ەڭ باستى باعىتى ەكەنى ءسوزسىز.
قازىرگى ۋاقىتتا الداعى ءۇش جىلدىققا ارنالعان بيۋدجەت جوباسى ءماجىلىستىڭ قاراۋىنا ەنگىزىلگەن. وسى قۇجاتپەن جۇمىس بارىسىندا دەپۋتاتتار ەلباسى جولداۋىنىڭ باسىمدىقتارىن باسشىلىققا الا وتىرىپ, ەڭ الدىمەن, الەۋمەتتىك سەكتورعا, قاۋىپسىزدىك پەن ينفراقۇرىلىمعا قاراجات قاراستىراتىن وزگەرىستەر ەنگىزەتىن بولادى.
سوندىقتان بيىلعى جولداۋ العا قويعان ماقسات-مۇراتتار تابىستى جۇزەگە اساتىنىنا سەنىمىمىز زور.