«نۇر وتان» پارتياسى ماڭعىستاۋ وبلىستىق فيليالىندا ارداگەرلەر كەڭەسىنىڭ جىلدىق قورىتىندى ەسەبى تىڭدالدى.
جينالىسقا «نۇر وتان» پارتياسى ماڭعىستاۋ وبلىستىق فيليالىنىڭ توراعا ورىنباسارى ن.تۋمىشەۆ, اۋدان-قالالاردىڭ توراعا ورىنباسارلارى, ارداگەرلەر كەڭەسىنىڭ مۇشەلەرى قاتىستى.
قابىلدانعان ەرەجەگە سايكەس كەڭەستىڭ قۇرامىنا 11 ارداگەر سايلاندى. كەڭەس توراعاسى بولىپ ەرەجەپوۆ قايروللا تاعايىندالدى.
ارداگەرلەر كەڭەسىن قۇرۋداعى باستى ماقسات – قوعام ءومىرىن رۋحاني جاعىنان جاڭعىرتۋ ىسىنە ارداگەرلەردىڭ بەلسەندى تۇردە ارالاسۋىن قاداعالاۋ. اسىرەسە, جەتەكشى پارتيانىڭ العى شەبىندەگى ازاماتتاردىڭ ومىرلىك تاجىريبەسىن, اقىل-كەڭەسىن بارىنشا ءتيىمدى پايدالانۋ قاجەتتىگىنە نازار اۋدارتىپ, وسى باعىتتاعى اتقارىلاتىن جۇمىستاردى پىسىقتاپ الۋ.
ارداگەرلەر كەڭەسىنىڭ توراعاسى ق.ەرەجەپوۆتىڭ ايتۋىنشا, بەلسەندى قارتتاردى قوعامدىق جۇمىستارعا تارتۋ ماڭىزدى.
- وبلىس بويىنشا جالپى العاندا ارداگەرلەر سانى جاستارى بويىنشا ەسەپتەگەندە 2 مىڭنان اسادى. تىزىمگە ەنبەگەندەر قانشاما, ولاردىڭ بارلىعىن تىزىمگە قوسۋ جوسپاردا بار. ارداگەرلەر اراسىنان اۋدان-قالالارعا تالىمگەرلەر بەكىتۋ تۋرالى شەشىم قابىلدانىپ, پارتيا فيليالدارىنىڭ توراعا ورىنباسارلارىمەن ارنايى جيىندار وتكىزىلىپ تۇرادى. ماسەلەن, «نۇر وتان» پارتياسىنىڭ توراعاسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىندا ايتىلعان تۇجىرىمداردى, «100 ناقتى قادام» - ۇلت جوسپارىن حالىققا ءتۇسىندىرۋ جانە جۇزەگە اسىرۋ شارالارىنا ارداگەرلەر كەڭەسى بەلسەنە ارالاسىپ كەلەدى, دەپ ءتۇسىندىردى ق.ەرەجەپوۆ.
ەسەپ بەرۋ سوڭىندا ارداگەرلەر وزدەرىنىڭ ۇسىنىستارىن ءبىلدىردى. بىرىنشىدەن, دۋالدى ءبىلىم بەرۋ جونىندە وتىرىس وتكىزۋ, استراحان – اتىراۋ – اقتاۋ كەمە تاسىمالىن قالپىنا كەلتىرۋ, قالا ىشىندەگى ايالداما اتاۋلارىن جونگە كەلتىرۋ, ماڭعىستاۋ وڭىرىنە ەڭبەگى سىڭگەن قايراتكەرلەرگە كوشە اتتارىن بەرۋ جانە ەسكەرتكىشتەر ورناتۋ, اقتاۋ-فورت-شەۆچەنكو اۆتوجولىنىڭ 14-28 شارشى شىقىرىم بولىگىنىڭ 4 شاقىرىمىنا جارىق بەرۋ ماسەلەسى كوتەرىلدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى