وتكەن جىلى وڭىرگە تارتىلعان 482 ملرد. تەڭگە ينۆەستيتسيانىڭ 129 ملرد. تەڭگەسى وڭدەۋ ونەركاسىبىنىڭ ۇلەسىندە, ياعني 2,5 ەسەگە ۇلعايعان. بۇل كورسەتكىش الداعى ۋاقىتتا وسە تۇسەرى انىق.
ولاي دەيتىنىمىز, تۇركىستان قالاسىندا ءوتىپ جاتقان «كونە تۇركىستان – جاڭا مۇمكىندىكتەر» اتتى حالىقارالىق ينۆەستيتسيالىق جəنە تۋريستىك فورۋم جاڭا كەلىسىمدەرگە جول اشاتىنى كامىل. فورۋمعا ەۋروپا ەلدەرىنەن, تۇركيا, رەسەي, وڭتۇستىك كورەيا, قىتاي, سينگاپۋر, يران, مالايزيا, پاكىستان, وزبەكستان سىندى باسقا دا مەملەكەتتەردەن 250-دەن استام دەلەگات قاتىسۋدا. ءوڭىردىڭ دامۋى جانە ينۆەستيتسيالىق تارتىمدىلىعى جونىندە بايانداما جاساعان تۇركىستان وبلىسىنىڭ اكىمى جانسەيىت تۇيمەباەۆ وڭىردە شاعىن جانە ورتا كاسىپكەرلىك جاقسى دامىعانىن اتاپ ءوتتى. ينۆەستيتسيا تارتۋ ماقساتىندا تۇركىستان قالاسىندا «TURKISTAN» ارنايى ەكونوميكالىق ايماعىن قۇرۋ جۇمىستارى جوسپارلانعان. بۇل ايماقتا كاسىپكەرلەرگە 25 جىلعا دەيىن سالىق تولەۋدە جەڭىلدىكتەر قاراستىرىلماق. «تۇركىستان – تالاي جىلدار بويى قازاق حاندىعىنىڭ جانە تۇركى الەمىنىڭ ساياسي ورداسى, رۋحاني استاناسى بولعان شاحار. ەلباسىمىز وسىناۋ كونە قالانى وبلىس ورتالىعى ەتىپ, ونى دامىتۋعا ەرەكشە ىقىلاس تانىتىپ وتىرعانى بەلگىلى. بۇگىندە مەملەكەت تاراپىنان جالپى قۇنى 2 ملرد. اقش دوللارىن قۇرايتىن ينۆەستيتسيا قۇيۋ جوسپارلانىپ وتىر. ياعني, مۇندا اۋەجاي, اكىمشىلىك - ىسكەرلىك ورتالىعى جانە تۇرعىن ۇيلەر بوي كوتەرىپ, تۇركىستان زاماناۋي ۇلگىدەگى تەحنولوگيا ەنگىزىلگەن اقىلدى قالاعا اينالاتىنى ءسوزسىز. قازىردىڭ وزىندە ءوڭىردىڭ ەكونوميكالىق دامۋ مۇمكىندىگىنە قانىققان وتاندىق جانە تۇرىك كومپانيالارى 100 ملن. اقش دوللارىنان اساتىن قارجى سالىپ, 5 جۇلدىزدى قوناق ۇيلەر, ويىن-ساۋىق ساۋدا ورىندارى مەن فيتنەس ورتالىقتار اشۋدى كوزدەپ وتىر», – دەدى وبلىس اكىمى.
فورۋمدا ەۋرازيالىق ەكونوميكالىق ىنتىماقتاستىق ۇيىمىنىڭ باس حاتشىسى ۆلاديمير پيسكۋرەۆ تۇركىستاننىڭ تۋريزم سالاسىنداعى مۇمكىندىگىن جوعارى باعالاسا, «DALHolding» كومپانياسىنىڭ باسشىسى دەميردجان كوسە تۇركىستان وبلىسىندا 200 گەكتار جىلىجاي مەن تسەمەنت زاۋىتىن اشۋعا دايىن ەكەنىن مالىمدەدى. ال, مالايزيانىڭ «Nagasteel Equipment Sdn. Bhd.» كومپانياسىنىڭ پرەزيدەنتى زاينۋل ازيزان ينفراقۇرىلىم جانە ونەركاسىپ سالالارىنا ينۆەستيتسيا قۇيۋعا ءازىر ەكەنىن ايتتى. سونداي-اق «RIXOS HOTELS» قوناق ۇيلەر جەلىسىنىڭ پرەزيدەنتى فەتاح تاميندجي, ەۋرازيالىق تۋريزم اسسوتسياتسياسىنىڭ پرەزيدەنتى رىستى قاراباەۆا, «قازاق تۋريزم» ۇلتتىق كومپانياسىنىڭ باسقارما توراعاسى راشيد كۇزەمباەۆ جانە وزگە دە سپيكەرلەر بايانداما جاساپ, كەلەشەكتە تۇركىستاندى تۋريزم كوشباسشىسىنا اينالدىرۋ باعىتىنداعى ويلارىمەن ءبولىستى.
سونىمەن قاتار, قاتىسۋشىلار ۆ2ۆ فورماتىنداعى كەزدەسۋلەردە «تۋريزم يندۋسترياسى — قازاقستان ەكونوميكاسىنىڭ جاڭا درايۆەرى», «سولتۇستىك-وڭتۇستىك ەكونوميكالىق ءدالىزى» تاقىرىپتارىندا جانە اگروونەركاسىپ كەشەنىن دامىتۋداعى ادام كاپيتالىنىڭ ءرولى جونىندە پىكىر الماستى.
عالىمجان ەلشىباي,
«ەگەمەن قازاقستان»
تۇركىستان وبلىسى