جۋىردا قىزىلوردا وبلىسىنىڭ ىشكى ىستەر دەپارتامەنتىندە قىزىلوردا قالالىق ىشكى ىستەر باسقارماسىنىڭ انىقتاۋ ءبولىمىنىڭ انىقتاۋشىلارى اراسىندا «ۇزدىك انىقتاۋشى», «العىر انىقتاۋشى» «ۇزدىك ايىپتاۋشى», «ۇزدىك تالداۋشى» اتالىمدارى بويىنشا بايقاۋ وتكىزىلدى.
جەڭىمپازداردى انىقتاۋ ءۇشىن پوليتسيا قىزمەتكەرلەرىنىڭ جۇمىس كورسەتكىشى, قىلمىستىق ىستەردىڭ مەرزىمىن ساقتاي وتىرىپ, ساپالى تۇردە دەر كەزىندە زاڭدى شەشىم قابىلداۋى, بىلىكتىلىگى مەن جاۋاپكەرشىلىگى, جان-جاقتىلىعى مەن ىزدەنىمپازدىعى باستى نازارعا الىندى. باسقارما باسشىلىعىنان قۇرىلعان كوميسسيا شەشىمىنە سايكەس 23 انىقتاۋشىلاردىڭ اراسىندا ۇزدىكتەر انىقتالىپ, ناتيجەسىندە «ۇزدىك انىقتاۋشى» اتالىمىنا پوليتسيا اعا لەيتەنانتى الدابەرگەن ۇلى ايان, «ۇزدىك ايىپتاۋشى» اتالىمىنا پوليتسيا اعا لەيتەنانتى ابدىقاپپاروۆ ءالىمۇرات, اسىلبەك جاسۇلان; «ۇزدىك تالداۋشى» اتالىمىنا پوليتسيا كاپيتانى جانسۋلتانوۆ باگدات, «العىر انىقتاۋشى» اتالىمىنا پوليتسيا اعا لەيتەنانتى كالمانوۆ احمەد جانە پوليتسيا اعا لەيتەنانتى ابدرايموۆ ءساپارالى لايىقتى دەپ تانىلدى.
ۇزدىك دەپ تانىلعان پوليتسيا قىزمەتكەرلەرى ماراپاتتالىپ, ولارعا ديپلومدار مەن ەستەلىك سىيلىقتار تابىستالدى. شاراعا ءوز ءىسىنىڭ ۇزدىگى اتانعان انىقتاۋشىلاردىڭ اتا-انالارى دا قاتىسىپ,ولارعا العىس حاتتار مەن گۇل شوقتارى تابىس ەتىلدى.