WBC جانە WBA نۇسقالارى بويىنشا الەم چەمپيونى ساۋل «كانەلو» الۆارەس حالىقارالىق بوكس قاۋىمداستىعىنىڭ (IBO) چەمپيوندىق تيتۋلىنان ايىرىلدى.
15 قىركۇيەك كۇنى لاس ۆەگاستا مەكسيكالىق كاسىپقوي بوكسشى مەن گەننادي گولوۆكيننىڭ وتكىزگەن كەزدەسۋىندە تورەشىلەردىڭ باسىم بولىگى جەڭىستى گولوۆكيننىڭ پايداسىنا شەشكەن ەدى. دەگەنمەن, GGG وسى ۋاقىتقا دەيىن قول جەتكىزگەن WBC, WBA (Super) جانە IBO نۇسقالارى بويىنشا چەمپيوندىق اتاعىنان ايىرىلدى.
كەزدەسۋدەن كەيىن الۆارەستىڭ IBO-نىڭ سانكتسيالىق جارناسىن تولەمەگەنى انىقتالدى. وسى جاعدايدان سوڭ حالىقارالىق بوكس قاۋىمداستىعى الۆارەستەن چەمپيوندىق تيتۋلدى تارتىپ العان.
ايتا كەتەيىك, گولوۆكين IBO تيتۋلىن 2011 جىلى امەريكاندىق لاحۋان سايموندى نوكاۋتقا تۇسىرگەندە جەڭىپ العان. چەمپيوندىق اتاعىن قورعاۋ ءۇشىن گەننادي 17 رەت ءساتتى كەزدەسۋ وتكىزگەن.
IBO تيتۋلى - باسقا نۇسقالارعا قاراعاندا مارتەبەسى بيىك ماراپات. مىسالى, ءابسوليۋتتى چەمپيون بولۋ ءۇشىن WBC, WBA (Super), WBO جانە IBF بەلبەۋلەرى جەتكىلىكتى.
IBO تيتۋلىنان وتانداسىمىز جانات جاقيانوۆ ايىرىلعان. امەريكاندىق روۋشن ۋوررەنمەن كەزدەسپەس بۇرىن ول دا الۆارەس سياقتى سانكتسيالىق جارنانى تولەمەگەن. سونداي-اق, 2017 جىلدىڭ ناۋرىزىندا وتانداسىمىز جانات جاقيانوۆ IBO تيتۋلىنان ايىرىلعان. امەريكاندىق روۋشن ۋوررەنمەن كەزدەسپەس بۇرىن ول دا الۆارەس سياقتى سانكتسيالىق جارنانى تولەمەگەن.
قازىرگى تاڭدا IBO-نىڭ الەم چەمپيونى اتاعى بريتاندىق ەنتوني دجوشۋانىڭ ەنشىسىندە عانا.