جاڭا جىلدان باستاپ بارلىق دارىلىك زاتتاردىڭ باعالارى رەتتەلەتىن بولادى, دەپ حابارلايدى دەنساۋلىق ساقتاۋ مينيسترلىگىنىڭ ءباسپاسوز قىزمەتى.
ءباسپاسوز مالىمەتىنە سۇيەنسەك, ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىن ىسكە اسىرۋ ماقساتىندا «دارىلىك زاتتار مەن مەديتسينالىق بۇيىمدار اينالىمى ماسەلەلەرى بويىنشا قر كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ جونىندەگى» قر زاڭ جوباسى ازىرلەندى. وندا 2019 جىلدىڭ 1 قاڭتارىنان باستاپ بارلىق دارىلىك زاتتار باعالارىن رەتتەۋ كوزدەلگەن. جوسپارلانىپ وتىرعان وزگەرىستەر باعانى رەتتەۋدىڭ 4 دەڭگەيىن كوزدەيدى: ءوندىرۋشى, كوتەرمە ساۋدا, بولشەك ساۋدا, تەگىن مەديتسينالىق كومەكتى كەپىلدى كولەمى (تمككك) شەڭبەرىندە جانە مىندەتتى الەۋمەتتىك مەديتسينالىق ساقتاندىرۋ ء(مامس) جۇيەسىندە ساتىپ الۋ دەڭگەيلەرى. ءوندىرۋشىنىڭ باعاسىن تىركەۋ رەفەرەنتتىك ەلدەردىڭ تۇتىنۋشىلىق ورامىنىڭ باعاسى نەگىزىندە جۇرگىزىلەدى, سونداي-اق ۇستەمە باعانىڭ رەگرەسسيۆتىك شكالاسى ارقىلى دارىلىك پرەپاراتتاردى كوتەرمە جانە بولشەكتەپ ساتۋ مارجاسى رەتتەلەتىن بولادى. قازىرگى تاڭدا اتالعان زاڭ جوباسى قر پارلامەنت ءماجىلىسىنىڭ قاراۋىندا. تاياۋ ۋاىتتا زاڭ جوباسى ەكىنشى وقىلىمعا كىرگىزىلەدى جانە ەلىمىزدىڭ پارلامەنت سەناتىنا جولدانادى. 2018 جىلدىڭ سوڭىنا دەيىن زاڭعا قول قويۋ جوسپارلانۋدا.
سونىمەن قاتار, 2017 جىلدىڭ باسىنان تمككك شەڭبەرىندە امبۋلاتوريالىق دەڭگەيدە تۇرعىنداردى تەگىن دارىلىك زاتتارمەن قامتاماسىز ەتۋ ءۇشىن فارماتسەۆتيكالىق قىزمەتتەر مەن دارىلىك زاتتار, مەديتسينالىق بۇيىمدار تىزبەسىن ورتالىقتاندىرۋدى ەسەپكە الۋ مەن بىرىڭعاي ديستريبيۋتور ءتىزىمى تولىقتاي قايتا قارالدى. ياعني, امبۋلاتوريالىق تۇرعىدا تەگىن قامتاماسىز ەتۋ ءۇشىن دارىلىك زاتتار ءتىزىمى ەكونوميكالىق جاعىنان ءتيىمدى پرەپاراتتاردى قوسۋ جولىمەن قايتا قارالىپ, كەڭەيتىلدى. مىسالى, س ۆيرۋستىق گەپاتيتىن ەمدەۋ ءۇشىن قىمبات جانە تيىمدىلىگى تومەن (60%) پەگيليرلەنگەن ينتەرفەروندارمەن تەراپيا تيىمدىلىگى جوعارى (98%) ەمدەۋ سحەماسىمەن (سوفوسبۋۆير+داكلاتوسۆير) الماستىرىلدى, ول ەمدەلگەن ناۋقاستار سانىنىڭ 500-دەن 40 000 ادامعا جوعارىلاۋىنا مۇمكىندىك بەردى.
دارىلىك زاتتاردى شەتەلدىك وندىرۋشىلەرمەن جۇرگىزىلگەن كەلىسسوزدەر ناتيجەسىندە 175 اتالىمداعى مەديتسينالىق پرەپاراتتار باعاسى ورتاشا 23%-عا تومەندەدى, ال وتاندىق وندىرۋشىلەر ۇزاق مەرزىمدى شارتتار اياسىندا باعانى تومەندەتۋ جونىندەگى قابىلدانعان مىندەتتىلىككە سايكەس, 134 اتالىمداعى دارىلىك زاتتار باعاسىن 5% تومەندەتتى. قازىرگى تاڭدا دارىلىك نارىق ءدارىحانا ارقىلى دارىلىك زاتتاردى كوممەرتسيالىق ساتۋ جانە تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە تەگىن دارىلىك زاتتارمەن قامتاماسىز ەتۋ بولىپ بولىنەدى. ازىرگە نارىقتاعى كوممەرتسيالىق ساتۋ باعاسى رەتتەلمەيدى.