ىشكى ىستەر باسقارماسى قۇرىلعان كۇننەن باستاپ قۇقىق قورعاۋ سالاسىنىڭ جۇمىسىندا بىرىزدىلىكتى, ءتارتىپتى, جۇيەلىلىكتى قالىپتاستىراتىن اقپاراتتىق قىزمەتتى قاجەتسىندى. ءبىر عاسىر بويى قۇقىق قورعاۋ ورگاندارىنىڭ بارلىق بولىمدەرىندە اقپاراتتىق-ساراپتاۋ ءىسى قالىپتاستى, قازىر ولار اقپاراتتىق-ساراپتاۋ ورتالىقتارىنا اينالعان. ادەتتە, پوليتسيانىڭ نەگىزگى سالماعىن ەرلەر اتقاراتىنى بەلگىلى. سونىمەن قاتار, پوليتسيانىڭ كوپتەگەن جۇمىستارى پوگون تاققان ايەلدەر قولىندا.
«مەن ون جىلدان بەرى قوستاناي قالالىق ىشكى ىستەر باسارماسىنىڭ اقپاراتتىق-ساراپتاۋ ورتالىعىن باسقارىپ كەلەمىن. بۇل بولىمدەگى تاجىريبە قىزمەتكەردەن قىزمەتكەرگە بەرىلىپ وتىرادى. ەسەپ, ناقتى اقپاراتتاردى جۇيەلەپ وتىرۋ جالپى پوليتسيا جۇمىسىنىڭ جاقسارۋىنا ىقپال ەتەدى», – دەيدى التىناي ەسماعامبەتوۆا.
قىزمەتتىڭ 100 جىلدىعىنا وراي وبلىستا اقپاراتتىق-ساراپتاۋ ورتالىقتارى قىزمەتكەرلەرى اراسىندا «ماماندىعىنىڭ ۇزدىگى» اتتى بايقاۋ ءوتتى. قوستاناي قالالىق ىشكى ىستەر باسقارماسى ورتالىعىنىڭ قىزمەتكەرلەرى وبلىستىق بايقاۋدا ءۇشىنشى ورىندى جەڭىپ الدى.
ءنازيرا جارىمبەت,
«ەگەمەن قازاقستان»
قوستاناي