بۇرىنعىداي ەمەس, قازىرگى جاس انالاردىڭ دەنساۋلىعىندا وزدەرى بايقاي بەرمەيتىن كىنارات كوپتەپ كەزدەسەدى. بۇل قورشاعان ورتا مەن كۇندەلىكتى ۇستاناتىن ءومىر سالتىنا جانە تۇرمىس دەڭگەيىنە بايلانىستى تۋىندايدى. سوندىقتان جۇكتىلىك كەزىندە يوگامەن اينالىسۋ دەنى ساۋ بالا كوتەرۋگە جانە تۋعا جاقسى كومەكتەسەتىنى تۋرالى تاجىريبەمىزدى ءبولىسۋدى ءجون سانادىق.
جۇكتىلىكتىڭ ءبىرىنشى توقسانىندا يوگا «سەرگىتەتىن قۇرال» رەتىندە وتە پايدالى. كۇندەلىكتى ورىندالاتىن جاتتىعۋلار جۇيكە جۇيەسىن جانە ەموتسيالىق جاعدايدى تۇراقتاندىرادى, شارشاۋ, ۇيقىشىلدىق, السىزدىك سەزىمىن جەڭۋگە كومەكتەسەدى. يوگا سونداي-اق فيزيكالىق جاعدايدى جاقسارتۋعا جاقسى اسەر ەتەدى. قالىپتى جۇكتەمەلەر ارقا بۇلشىق ەتتەرىن كۇشەيتىپ, يكەمدىلىگىن ارتتىرادى. بۇل جۇكتىلىكتىڭ قولايلى وتۋىنە قاجەت جانە جەڭىل بوسانۋعا كومەكتەسەدى.
يوگامەن جۇكتىلىكتىڭ ەكىنشى توقسانىندا اينالىسۋ بولاشاق انا ءۇشىن التىن كەزەڭگە بالانادى. توكسيكوز جانە شارشاۋ سياقتى جايسىزدىق, جاڭا جاعدايعا بايلانىستى الاڭداۋشىلىق پەن قورقىنىش ارتتا قالادى.
جۇكتىلىكتىڭ ەكىنشى توقسانىندا يوگامەن اينالىسۋ دەنەنى ءۇشىنشى توقسانعا, ياعني قۇرساقتىڭ ۇلكەيۋىنە دايىنداۋدىڭ كەرەمەت جولى. سونىمەن قاتار بوساناتىن جاس انالار اينالىسۋى قاجەت. بۇل كەزدە جاتتىعۋلار كەشەنىنە ۆاريكوزدىڭ الدىن الۋعا كومەكتەسەتىن جاتتىعۋلار قاتارىن قوسۋ كەرەك. وسى ارقىلى جەڭىل اۋدارىلعان دەنە كۇيىن قابىلداۋ جاقسى كومەكتەسەدى. كەۋدە قۋىسىن اشىق ۇستاپ وتىرۋ قالىبى جۇكتىلىكتىڭ ەكىنشى توقسانىنداعى جاعىمسىز سەرىگى قىجىلدى بولدىرماۋعا كومەكتەسەدى. ەگەر جاتتىعۋلار كەشەنىندە دەنەنى نىعايتۋعا, ارقاعا جانە بەلگە تۇسەتىن اۋىرلىقتى جەڭىلدەتۋگە ارنالعان قالىپ بولسا جاقسى اسەر ەتەدى. اسانالاردى ورىنداۋ, سونىمەن بىرگە تىنىس الۋدى ساقتاۋعا كومەكتەسەدى, تىنىس الۋ تەحنيكاسىن جەتىلدىرەدى. سونداي-اق جۇرەك-قان تامىر جۇيەسى ءۇشىن پايدالى, ۇرىققا وتتەگىنىڭ كوپ مولشەردە جەتكىزىلۋىن قامتاماسىز ەتىپ, جاقسى دامۋىنا ىقپال ەتەدى.
جۇكتىلىكتىڭ ءۇشىنشى توقسانىندا يوگادان باس تارتپاڭىز. جاتتىعۋلاردى ءارى قاراي جالعاستىرۋدىڭ كومەگى زور. «رۇقسات ەتىلگەن» جاتتىعۋلاردى باستاعاندا, ۆاليكتەردىڭ, بلوكتاردىڭ, كورپەلەردىڭ جانە تەپە-تەڭدىكتى, تۇراقتىلىقتى, سونداي-اق ساقتاندىرۋدى قامتاماسىز ەتەتىن باسقا دا قۇرالداردىڭ بارلىق ءتۇرىن قولدانۋ كەرەك. جالپى العاندا جۇكتىلىكتىڭ ءۇشىنشى توقسانىندا يوگا بولاشاق انانى تىنىشتاندىرۋعا, بوساڭسىتۋعا, بوساتۋعا باعىتتالۋى ءتيىس. سونىمەن قاتار جاتتىعۋلاردى ۇنەمى ورىنداۋ بارىسىندا ايەل بوسانۋعا جان-جاقتى دايىندالادى. ءتىپتى وسى كەزەڭدە كوڭىل كۇيى دە جاقسارادى. وسىلايشا, يوگا جۇكتىلىكتىڭ ءۇشىنشى توقسانىندا دۇرىس تىنىس الۋ ءادىسىن ۇيرەتۋ, بەلدەگى, اياق پەن ارقاداعى اۋىرلىقتى جەڭىلدەتۋ, ۇيقىنى جانە اسقازان-ىشەك جولىنىڭ فۋنكتسياسىن جاقسارتۋدىڭ كەرەمەت قۇرالى بولماق. سونىمەن قاتار يوگا كومەگىمەن ايەل بۇلشىق ەتتەر مەن سىڭىرلەردى كۇشەيتەتىن جاتتىعۋلاردى جاساۋ ارقىلى دەنەنى بوسانۋعا جاقسى دايىندايدى. سونداي-اق كۇيزەلىستى بولدىرمايدى نەمەسە جويادى, يوگانىڭ كومەگىمەن قان اينالىمى جاقسارىپ, باس اينالۋى مەن باس اۋرۋلارى باسەڭدەيدى.
ناتاليا رازۋۆاەۆا,
استانا قالاسى
№3 پەريناتالدى ورتالىعىنىڭ اكۋشەر-
گينەكولوگ دارىگەرى