كەشە قازاقستان رەسپۋبليكاسى ۇكىمەتىنىڭ قاۋلىسىمەن تيمۋر اسقار ۇلى ق ۇلىباەۆ «سامۇرىق-قازىنا» ۇلتتىق ءال-اۋقات قورى» اق باسقارما توراعاسى قىزمەتىنەن بوساتىلدى, دەپ حابارلادى پرەمەر-ءمينيستردىڭ ءباسپاسوز قىزمەتى.
ۇكىمەت قاۋلىسىمەن قوردىڭ باسقارما توراعاسى بولىپ ءومىرزاق ەستاي ۇلى شوكەەۆ تاعايىندالدى.
تۇستەن كەيىن پرەمەر-مينيستر كارىم ءماسىموۆ «سامۇرىق-قازىنا» ۇلتتىق ءال-اۋقات قورى» اق-تىڭ ۇجىمىنا جاڭا توراعانى تانىستىردى.
«مەملەكەت باسشىسى قابىلداعان شەشىمگە وراي مەن قاۋلىعا ءتيىستى وزگەرتۋ ەنگىزدىم, ومىرزاق شوكەەۆ «سامۇرىق-قازىنا» باسشىسى رەتىندە جاڭاوزەن قالاسىنداعى الەۋمەتتىك-ەكونوميكالىق جانە گۋمانيتارلىق ماسەلەلەردى جەدەل شەشۋ جونىندەگى ۇكىمەتتىك كوميسسيانى باسقارۋدى جالعاستىرادى», – دەدى كارىم ءماسىموۆ ۇجىممەن كەزدەسۋ كەزىندە.