باۋىرجان قاراعىز ۇلى مادەنيەت جانە سپورت ءمينيسترىنىڭ كەڭەسشىسى لاۋازىمىنا تاعايىندالدى.
باۋىرجان قاراعىز ۇلى – 1982 جىلى 17 قازاندا دۇنيەگە كەلگەن. قازاقتىڭ تالانتتى اقىنى, كوپتەگەن حالىقارالىق, رەسپۋبليكالىق, ادەبي كونكۋرستاردىڭ جەڭىمپازى.
نۇرسۇلتان ءابىش ۇلى نازارباەۆتىڭ جانە يۋنەسكو-نىڭ قولداۋىمەن وتكەن حالىقارالىق «شابىت» شىعارماشىل جاستار فەستيۆالىنىڭ ەكى مارتە لاۋرەاتى جانە گران-پري يەگەرى.
«الەمگە ايگىلى – استانا» اتتى جىر ءمۇشايراسىنىڭ گران-پري يەگەرى. سەيدوللا بايتەرەكوۆ اتىنداعى ارنايى سىيلىقتىڭ يەگەرى. قر تاۋەلسىزدىگىنىڭ 20 جىلدىعى قارساڭىندا وتكەن «قازاق ەلى, ءبىر اۋىز ءسوزىم ساعان» اتتى ءى رەسپۋبليكالىق ماعجان ونەر فەستيۆالىنىڭ لاۋرەاتى.
«تابىستى قازاقستاندىق – 2012» اقمولا وبلىستىق جاستار بايقاۋىندا «جاس دارىن» سىيلىعىنىڭ يەگەرى. اقىن-يمپروۆيزاتور ءيمانجۇسىپ قۇتپان ۇلىنىڭ 150 جىل تولۋىنا وراي وتكەن ادەبي بايقاۋدىڭ جەڭىمپازى.
2014 جىلعى قازاقستان رەسپۋبليكاسى مەملەكەتتىك ستيپەندياسىنىڭ يەگەرى. «جۇمباقتاسقا جاۋعان كۇز», ء«وڭ.مەن.ءتۇس.», «جۇرەك كىتابى», «توپىراق دەمى» اتتى جىر-كىتاپتارىنىڭ اۆتورى.
رەسپۋبليكالىق «الاش ءۇنى» گازەتىندە ءتىلشى, ەلوردالىق «استانا» جۋرنالىندا تىلشىلەر قوسىنىنىڭ جەتەكشىسى, جاۋاپتى حاتشى, باس رەداكتوردىڭ ورىنباسارى;
قازاقستان رەسپۋبليكاسىنىڭ ۇلتتىق اكادەميالىق كىتاپحاناسىندا «كىتاپ پاتشالىعى» جۋرنالى باس رەداكتورىنىڭ ورىنباسارى;
كوكشەتاۋ قالاسىنداعى «اقپاراتتىق كىتاپحانا جۇيەسى» مەملەكەتتىك مەكەمەسىندە ديرەكتور; «قازكونتەنت» اق «ادەبيەت پورتالىنىڭ» جەتەكشىسى; «مادەنيەت پورتالىنىڭ» باس ديرەكتورى;
قازاقستان جازۋشىلار وداعى استانا قالاسى فيليالىنىڭ ديرەكتورى, مادەنيەت جانە سپورت مينيسترلىگى جانىنان قۇرىلعان جاس اقىن-جازۋشىلار كەڭەسىنىڭ حاتشىسى قىزمەتتەرىن اتقارعان.