ەلباسى, «نۇر وتان» پارتياسىنىڭ توراعاسى ن.نازارباەۆتىڭ 2017 جىلدىڭ قاراشا ايىندا وتكەن پارتيانىڭ ساياسي كەڭەسىنىڭ كەڭەيتىلگەن وتىرىسىنا قاتىسقان كەزدەگى بەرگەن تاپسىرمالارى مەن «تسيفرلىق قازاقستان» باعدارلاماسىن جۇزەگە اسىرۋ مىندەتىن ورىنداۋ ماقساتىندا «نۇر وتان» پارتياسى 22 ستراتەگيالىق ماڭىزى بار پارتيالىق جوبالاردى جۇزەگە اسىرۋدى باستاپ كەتكەن بولاتىن.
سونىڭ ىشىندەگى نەگىزگى باسىمدىققا يە بولعان جوبانىڭ ءبىرى «تەگىن ءىت سىنىپتارىن اشۋ» پارتيالىق جوباسى. بۇل ماقساتتا مامىر ايىنان باستاپ قولعا العان جۇمىس ناتيجەسى بويىنشا اقمولا وبلىسىنىڭ مەكتەپتەرىندە 61 تەگىن ءىت سىنىپتارى اشىلدى. زاماناۋي كومپيۋتەر, 3D پرينتەرلەرىمەن جابدىقتالىپ, ينتەرنەت جەلىسىنە قوسىلعان سىنىپتار 900-گە جۋىق وقۋشىعا «Pascal», «Java», «PhP», «Delph» سياقتى باعدارلامالاۋ تىلدەرى مەن روبوت تەحنيكاسى جايىندا تەرەڭدەتىلگەن ءبىلىم الۋعا مۇمكىندىك بەرۋدە.
روبوتتەحنيكا نەگىزدەرى مەن كومپيۋتەرلىك باعدارلامالاردى تەرەڭدەتە وقىتاتىن ءىت سىنىپتارى 32 ساعاتتىق باعدارلاما بويىنشا جۇمىس ىستەيدى. ال, 40 ۇستازدىڭ جالاقىسىن تولەۋدى جەرگىلىكتى مەتسەناتتار مەن بيزنەس وكىلدەرى ءوز مويىندارىنا الىپ وتىر.
ماسەلەن, تسەلينوگراد اۋدانىنداعى №5 مەكتەپتە اشىلعان ءىت سىنىبىنا «شاڭىراق» جشس-ءنىڭ ديرەكتورى, وبلىستىق ءماسليحات دەپۋتاتى ماكسيم بوجكو دەمەۋشىلىك جاساسا, زەرەندى اۋدانىنا قاراستى 7 مەكتەپتە اتالمىش سىنىپتاردىڭ اشىلۋىنا جاردەمدەسكەن «ازات» جشس-ءنىڭ ديرەكتورى ناتاليا گوربۋنوۆا قارجىلاي كومەك كورسەتكەن.
بۇگىندە تسەلينوگراد اۋدانىندا – 6, استراحاندا – 10, كوكشەتاۋ, ستەپنوگورسك قالالارىندا – 3-ەۋدەن, اقكول جانە ارشالى اۋداندارىندا – 3, اتباسار, بۇلاندى, بۋراباي, ەگىندىكول, ەسىل, ءبىرجان سال اۋداندارىندا – 2-ەۋدەن, ساندىكتاۋ اۋدانىندا – 6, جارقايىڭ, قورعالجىن جانە شورتاندى اۋداندارىندا 1 سىنىپتان اشىلىپ, جۇمىسىن باستاپ كەتتى.
م.عابدۋللين اتىنداعى №3 كوپتىلدە وقىتاتىن كاسىبي مەكتەپ-گيمنازياسىندا بالالارعا باعدارلامالاۋ نەگىزدەرىن وقىتاتىن تەگىن ءىت-سىنىبى جۇمىس ىستەيدى. وسى ارقىلى وقۋشىلار «Pascal», «Java», «PhP», «Delph» سياقتى باعدارلامالاۋ تىلدەرى مەن روبوت تەحنيكاسى جايىندا تەرەڭدەتىلگەن ءبىلىم الۋعا مۇمكىندىك الىپ وتىر. سونداي-اق, وتكەن جىلى مەكتەپ بازاسىندا «باعدارلامالاۋ» ۇيىرمەسى اشىلىپ, وقۋشىلاردىڭ ءىت تەحنولوگيا, 3D مودەلدەۋ سياقتى جاڭا يننوۆاتسيالىق باعىتتا ءبىلىم الۋىنا جول اشىلعان. ناتيجەسىندە مەكتەپ وقۋشىلارى ءتۇرلى يننوۆاتسيالىق جوبالار بايقاۋىندا توپ جارىپ, جوعارى جەتىستىكتەرگە قول جەتكىزىپ كەلەدى. بۇگىندە كوكشەتاۋلىق مەكتەپ وقۋشىلارى كەڭىنەن قولداناتىن, 9 جəنە 11-سىنىپ وقۋشىلارىنىڭ مەملەكەتتىك ەمتيحان مەن ۇلتتىق بىرىڭعاي تەستىلەۋگە دايىندالۋىنا ارنالعان ۆەب-سايتتى دا ءدال وسى مەكتەپ-گيمنازيانىڭ جاس ونەرتاپقىشتارى ويلاپ تاپقان.
جالپى, بالانىڭ وي ءورىسى مەن ءبىلىمىن شىڭداۋعا ارنالعان پارتيانىڭ تىڭ جوباسى 2020 جىلعا دەيىن جالعاسىن تاپپاقشى.
بايقال ءبايادىل,
«ەگەمەن قازاقستان»
اقمولا وبلىسى