مەملەكەت باسشىسى ن.نازارباەۆتىڭ «100 ناقتى قادام» ۇلت جوسپارىنىڭ 80-قادامىن ىسكە اسىرۋ باعىتىندا مىندەتتى الەۋمەتتىك مەديتسينالىق ساقتاندىرۋ جۇيەسىن ەنگىزۋ بويىنشا اقمولا وبلىسىندا دا اۋقىمدى شارالار اتقارىلۋدا.
«الەۋمەتتىك مەديتسينالىق ساقتاندىرۋ قورى» كوممەرتسيالىق ەمەس اكتسيونەرلىك قوعامى اقمولا وبلىستىق فيليالىنىڭ دەرەگى بويىنشا, 2017 جىلدىڭ 1 شىلدەسىنەن باستاپ, 2018 جىلدىڭ 6 تامىزى ارالىعىندا اقمولالىقتار مىندەتتى الەۋمەتتىك مەديتسينالىق ساقتاندىرۋعا 3,1 ميلليارد تەڭگەدەن استام قارجى سالعان. ونىڭ ىشىندە 2,8 ميلليارد تەڭگەسى (89,4 پايىزى) جۇمىس بەرۋشىنىڭ ۇلەسىندە بولسا, 333,6 ميلليون تەڭگە (10,6 پايىزى) جەكە كاسىپكەرلەر مەن جەكە تۇلعالاردىڭ جانە ازاماتتىق-قۇقىقتىق بويىنشا كەلىسىمشارت ارقىلى جۇمىس ىستەيتىندەردىڭ ۇلەسىندە. وعان قوسا, الەۋمەتتىك مەديتسينالىق ساقتاندىرۋ جارناسىن ۋاقىتىلى اۋدارماعان جۇمىس بەرۋشىلەر تاراپىنان قوردالانعان قارىزدىڭ ءوسىمپ ۇلى دا بار. جالپى, وبلىس بويىنشا اتالعان مەرزىم ىشىندە ءوسىمپۇل سوماسى 8,6 ميلليون تەڭگەنى قۇراعان.
ايتالىق, «الەۋمەتتىك مەديتسينالىق ساقتاندىرۋ تۋرالى» زاڭىنا سايكەس, ۋاقتىلى تولەنبەگەن جارنا مەملەكەتتىك كىرىستەر ورگاندارىمەن ءوندىرىلىپ الىنادى جانە تولەم جاساۋشى كەشىكتىرىلگەن ءار كۇن ءۇشىن قور ەسەبىنە قازاقستان رەسپۋبليكاسىنىڭ ۇلتتىق بانكى بەلگىلەگەن 1,25 رەسمي ستاۆكا كولەمىندە وسىمپ ۇلىمەن بىرگە تولەۋگە مىندەتتى. وسى كۇنگە دەيىن الەۋمەتتىك مەديتسينالىق ساقتاندىرۋ جارناسىن ارتىق تولەۋ نەمەسە تولەم جاساۋ كەزىندە قاتەلىككە جول بەرۋ دە ورىن الدى. بيىلعى جىلدىڭ ءبىرىنشى جارتىجىلدىعىندا قوردىڭ فيليالىنا 26 كاسىپكەر شاعىمدانىپ, قاتەلەسىپ ارتىق تولەم جاساعانىن ايتقان. ولاردىڭ ارتىق جاسالعان تولەمدەرىن قايتارىپ بەرۋگە كومەك كورسەتىلدى.
بايقال ءبايادىل,
«ەگەمەن قازاقستان»
اقمولا وبلىسى