اباي مىرزاحمەتوۆ اتىنداعى كوكشەتاۋ ۋنيۆەرسيتەتىندە فەحتوۆانيەدەن ازيا چەمپيونى اتانعان دميتري الەكسانيننىڭ جەڭىسى قۇربىلارىنا ونەگە ەتىلىپ, وزىنە قۇرمەت كورسەتىلدى. ۋنيۆەرسيتەت باسشىلىعى سپورتشىعا جوعارى وقۋ ورنىندا تەگىن وقۋعا قۇقىق بەرەتىن گرانت تاپسىردى.
دميتري الەكسانين ۋنيۆەرسيتەتتىڭ دەنە شىنىقتىرۋ جانە سپورت ءبولىمىنىڭ ءۇشىنشى كۋرسىندا وقيدى. يندونەزيادا وتكەن جازعى ازيا ويىندارى وليمپياداسىندا جەرلەسىمىز وتە جاقسى ونەر كورسەتتى.
– ءدميتريدىڭ جەڭىسى – ول ءبىزدىڭ جەڭىسىمىز. ول ءوزىنىڭ ەڭبەكقورلىعى, تالماي تىنىمسىز جاتتىعۋىنىڭ ارقاسىندا وسىنداي بيىكتەن كورىندى,–دەدى ۋنيۆەرسيتەت باسشىسى ساعىنتاي ەلۋباەۆ.
سپورتشى بولسا العىسىن ايتىپ, ءوزىنىڭ جەڭىسكە جەتۋگە دەگەن ىنتاسى مەن جەكە ءومىرىنىڭ كەيبىر ساتتەرىن, ۇلكەن سپورتتىڭ تىنىسىن قۇربىلارىنا كەڭىنەن ايتىپ بەردى.
بايقال ءبايادىل,
«ەگەمەن قازاقستان»
اقمولا وبلىسى