م.قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتى مەن اسپان استى ەلىنىڭ اۋىل جانە ورمان شارۋاشىلىعى سولتۇستىك باتىس ۋنيۆەرسيتەتىنىڭ ءوزارا ۋاعدالاستىعى ارقاسىندا اگروبيوستانتسيا ءوز جۇمىسىن باستادى.
ەڭسەلى وقۋ ورنىندا 7 مىڭنان استام ستۋدەنت 18 ماماندىق بويىنشا دايارلانادى. بيىل اگروتەحنولوگيالىق فاكۋلتەت اشىلىپ, بولاشاق اۋىلشارۋاشىلىق سالاسىنىڭ ماماندارى قىتايلىق جانە جەرگىلىكتى ۋنيۆەرسيتەت ارىپتەستىگى اياسىندا وقىتىلادى. شان سي پروۆينتسياسىنىڭ جوعارعى ءبىلىم بەرۋ مەكەمەسىمەن جاسالعان كەلىسىمشارت نەگىزىندە اشىلعان اگروبيوستانتسيادا قىتايدان جەتكىزىلگەن اۋىلشارۋاشىلىق داقىلدارىنىڭ تەرىسكەيدىڭ كليماتىنا بەيىمدىلىگى جان-جاقتى زەرتتەلەتىن بولادى.
ء «وزارا ارىپتەستىستىكتىڭ تيىمدىلىگى زور. اگروتەحنولوگيالىق فاكۋلتەتتىڭ 6 ستۋدەنتى شان سي پروۆينتسياسىنا بارىپ, بىلىمدەرىن ودان ءارى جالعستىرادى. وندا توپىراق ەرەكشەلىگى زەرتتەلەدى, مول ءونىم الۋ جولدارى ۇيرەتىلەدى», دەيدى اگروتەحنولوگيا فاكۋلتەتىنىڭ دەكانى التىن شاياحمەتوۆا.
قىتاي اۋىل جانە ورمان شارۋاشىلىعى سولتۇستىك باتىس ۋنيۆەرسيتەتىنىڭ كەڭەس توراعاسى لي سيۆاننىڭ ايتۋىنشا پروۆينتسيا ءشولدى ايماقتا ورنالاسقان. اۋىلشارۋاشىلىق جانە ازىق-ت ۇلىك ينجەنەرلەرىن دايارلايتىن وقۋ ورنىندا ءشولدى دالالاردا ورنالاسقان ەگىستىكتەن مول ءونىم الۋدىڭ وزىق تەحنولوگيالارى كەڭىنەنە قولدانىلادى.
اگروبيوستانتسيادا قىتاي ماماندارى شىعارعان سەلەكتسيالى بيداي, زىعىر, بۇرشاق تۇقىمداس, كارتوپ جانە تاعى باسقا اۋىلشارۋاشىلىق داقىلدارىنىڭ سۇرىپتارى ۇسىنىلدى. جوعارى ونىمدىلەرى جەرگىلىكتى شارۋاشىلىقتاردىڭ قولدانىلۋىنا بەرىلەدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى