قازاقستاندىقتار ەكىنشى دەڭگەيلى بانكتەرگە نەسيە بويىنشا 5,6 ترلن تەڭگە قارىز بولسا, 6,5 ملرد تەڭگەسى سولتۇستىكقازاقستاندىقتارعا تيەسىلى. ۇلتتىق بانك سقوف-نىڭ باسشىسى دياس مەلس باق وكىلدەرىمەن كەزدەسۋدە وسىنداي مالىمەت تاراتىپ, ۆاليۋتا نارىعىنداعى احۋالعا توقتالدى.
وبلىس تۇرعىندارى بىلتىرعى جىلعا قاراعاندا بيىل نەسيەنى كوپ العان. ارالارىندا بەرەشەكتەرىن مەزگىلىمەن وتەي الماۋشىلاردىڭ ۇلەسى از ەمەس. وسى سەبەپتى بانكتەرگە 6,5 ملرد تەڭگە قارىز جيناقتالىپ قالعان.
«نەسيە جانە دەپوزيت نارىعى كورسەتكىشتەرى بويىنشا ءوسۋ بايقالادى. 7 ايدا نەسيە مولشەرى 77,4 ملرد تەڭگەگە جەتىپ, بىلتىرعا قاراعاندا 14 پروتسەنتكە وسكەن. كرەديتتەر بويىنشا دوللار مولشەرى تومەندەپ, 1,9 پروتسەنتتى قۇراعان. وتكەن جىلى بۇل كورسەتكىش 4,2 پروتسەنت بولعان.
ال دەپوزيت نارىعى 15 پروتسەنتكە كوبەيگەن. جەكە تۇلعالاردىڭ سالىمى ءبىرشاما مولايعان. وبلىس بويىنشا جىل باسىنان بەرى ينفلياتسيا دەڭگەيى 3,3 پروتسەنتتى قۇراسا, تامىز ايىندا 0,1 پروتسەنت بولدى», دەيدى ۇلتتىق بانكى وبلىستىق فيليالىنىڭ ديرەكتورى دياس مەلس.
ول وبلىستا «7-20-25» جاڭا يپوتەكالىق باعدارلاماسى بەكىتىلىپ,1326 ءوتىنىش قارالعانىن, 15,7 ملرد. تەڭگەگە تاپسىرىس بەرىلگەنىن, وڭىردە جۇمىس ىستەيتىن 6 بانك ارقىلى نەسيە راسىمدەۋگە بولاتىنىن جەتكىزدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى