2026 جىلى الاۋى تۇتانۋعا ءتيىس XXV قىسقى وليمپيا جانە پاراليمپيا ويىندارىن وتكىزۋگە ۇمىتكەرلەردىڭ ءبىرى – كانادانىڭ كالگاري قالاسى وسى شارالاردىڭ ۇيىمداستىرۋعا 4 ميلليارد اقش دوللارىن بولۋگە ءازىر ەكەندەرىن مالىمدەدى.
تورتكۇل دۇنيەنىڭ تەڭدەسسىزدەرىن باسىن قوسقان اق وليمپيادا بىلتىر وڭتۇستىك كورەيانىڭ پحەنچحان قالاسىندا دۇركىرەپ تۇرىپ وتكەن بولاتىن. 2022 جىلى ايتۋلى جارىس قىتايدىڭ باس شاھارى – بەيجىڭدە ۇيىمداستىرىلادى. ال 2026 جىلى الاۋى تۇتانۋعا ءتيىس بايراقتى باسەكەنى قاي قالانىڭ قابىلدايتىنى كەلەسى جىلدىڭ قىركۇيەك ايىندا يتالياداعى ەڭ كورىكتى شاھارلاردىڭ ءبىرى – ميلاندا وتەتىن حالىقارالىق وليمپيادا كوميتەتىنىڭ (حوق) كونگرەسسى بارىسىندا بەلگىلى بولادى.
ازىرگە بەس ۇمىتكەر بار. ولار – كانادانىڭ كالگاري, تۇركيانىڭ ەرزۋرۋم, جاپونيانىڭ ساپپورو, شۆەتسيانىڭ ستوكگولم جانە يتاليانىڭ ميلان, تۋرين جانە كورتينا-د'امپەتستسو قالالارى. ولاردىڭ ءبىرازۋىندا بۇعان دەيىندە تالاي ءدۇبىرلى دودا وتكەن. اتاپ ايتساق, كالگاري 1988 جىلعى قىسقى وليمپيا ويىندارىن قابىلدادى. كەزىندە كورتينا-د'امپەتستسو (1956) مەن تۋريندە (2006) دە اق وليمپيادانىڭ الاۋى تۇتانعان. ستوكگولمدە 1912 جىلعى جازعى دودا ۇيىمداستىرىلعان بولاتىن.
عالىم سۇلەيمەن,
«ەگەمەن قازاقستان»