تەگەراندا وتكەن سيريا قاقتىعىسىن رەتتەۋ بويىنشا يران, رەسەي جانە تۇركيا باسشىلارىنىڭ ۇشجاقتى كەزدەسۋى استانا پروتسەسىنىڭ سيريالىق بەيبىت ۇدەرىسىنە, سونىڭ ىشىندە ەلدىڭ ساياسي بىرلىگى مەن تۇتاستىعىن ساقتاۋعا قاتىستى حالىقارالىق ءىس-ارەكەتتەرىن ۇيلەستىرۋدەگى وڭ ءرولىن كورسەتتى. بۇل تۋرالى قازاقستاننىڭ بىرىككەن ۇلتتار ۇيىمى جانىنداعى تۇراقتى وكىلى قايرات وماروۆ بۇۇ قاۋىپسىزدىك كەڭەسىنىڭ وتىرىسىندا مالىمدەدى.
بۇۇ قاۋىپسىزدىك كەڭەسىنىڭ وتىرىسى رەسەيلىك تاراپتىڭ باستاماسى بويىنشا سيرياداعى احۋالعا باسا نازار اۋدارۋىنا بايلانىستى ۇيىمداستىرىلدى. كەڭەس مۇشەلەرىنەن باسقا اتالعان وتىرىسقا يران مەن تۇركيانىڭ بۇۇ جانىنداعى تۇراقتى وكىلدەرى دە قاتىستى.
سەسسيا بارىسىندا قازاقستاندىق دەلەگاتسيا باسشىسى الەمدىك قاۋىمداستىق ىشكىسيريالىق قاقتىعىستى تەك قانا بەيبىت جولمەن شەشۋ, سوعىس قيراعان ەلىن قالپىنا كەلتىرۋ جانە كۇردەلى گۋمانيتارلىق جاعدايدى شەشۋ ءۇشىن جاعداي جاساۋ ماقساتىندا بىرلەسكەن كۇش-جىگەردى جۇمساۋ كەرەك ەكەنىن اتاپ ءوتتى. ء«بىز سونداي-اق كوپتەگەن سيريالىق بوسقىنداردىڭ قايتارىلۋىنا جاعداي جاساۋىمىز كەرەك. وسىعان وراي سيريالىق بوسقىندار بويىنشا حالىقارالىق كونفەرەنتسيانى ۇيىمداستىرۋ تۋرالى يدەياسى پروبلەمانى شەشۋدەگى العاشقى قادام بولا الادى», - دەپ ايتتى ق. وماروۆ.
سيرياداعى جاعداي تۋرالى ايتا وتىرىپ, قازاقستان ەلشىسى استانا پروتسەسىنىڭ كەپىل-ەلدەرىنىڭ «دايش», «ان-نۋسرا مايدانى» جانە ء«ال-كايدا» دەگەن تەرروريستىك توپتارىنا قارسى كۇرەستەگى ىنتىماقتاستىعىنىڭ ماڭىزدىلىعىن, سونداي-اق اتىس توقتاتۋ رەجيمىنە قاتىساتىن قارۋلى وپپوزيتسيالىق توپتارىن تەرروريستەردەن ايىرىلۋدىڭ وزەكتىلىگىنە باسا نازار اۋداردى. سونىمەن قاتار, ەلشى ساياسي پروتسەسى ءۇشىن جاڭا مۇمكىندىكتەر تۋدىراتىن يدليبدەگى اتىستى توقتاتۋىن قاناعاتتانۋشىلىقپەن اتاپ ءوتتى.
بۇۇ قاۋىپسىزدىك كەڭەسىنىڭ وتىرىسىندا قازاقستان وتكىر حالىقارالىق ماسەلەلەردى قۇرمەتتەۋ, سەنىمدىلىك جانە سىندارلى ىنتىماقتاستىق نەگىزىندە عانا شەشە الاتىنىن تاعى دا راستادى.
يران, رەسەي جانە تۇركيانىڭ سيرياداعى گۋمانيتارلىق جاعدايدى جاقسارتۋعا جانە ازاماتتىق تۇلعالاردى قورعاۋعا, سونىڭ ىشىندە سيريا ەكونوميكاسىن جانە ينفراقۇرىلىمدى قالپىنا كەلتىرۋگە, سونداي-اق ماڭىزدى الەۋمەتتىك پروبلەمالاردى شەشۋگە باعىتتالعان كۇش-جىگەرىنە جوعارى باعا بەرىلدى.