وتباسىلىق جارىستا وزا شاپتى

شارا باستالماس بۇرىن ۆە­لو­­سيپەدكە مىنگەن اتا-انا­لار مەن بالالار فيتنەس جات­تىق­تىرۋشىلاردىڭ جەتەك­شىلىگىمەن ازداپ جاتتىعۋ جاسادى.

جالپى, بيىلعى دۋاتلوندا بالالار ءۇشىن ءۇش سانات – 8-9, 10-11 جانە 12-13 جاس بەلگىلەندى. وتباسىلىق سايىستىڭ العاشقى بولىمىندە جالپى ۇزىندىعى 4,5 شاقىرىم قاشىقتىققا – الدىمەن 2,1 قاشىقتىققا اكەلەر جۇگىردى, ودان ءارى ەستافەتانى ۆەلوسيپەدكە مىنگەن انالار الدى. جارىستى بالالار مارەگە دەيىن 300 مەتر جۇگىرۋمەن اياقتادى.

– «وتباسىلىق دۋاتلون» داستۇرگە اينالدى. بيىل ءۇشىنشى رەت وتكىزىپ وتىرمىز. جارىسقا قاتىسۋعا نيەت بىلدىرگەن وتباسىلار ەداۋىر ارتتى. بىلتىر 30 وتباسى بولعان, بيىل 8-9 جاس ساناتى قوسىلدى. كەلەر جىلى 5-6 جاستاعى بالالاردى قوسپاقشىمىز. جارىسقا قاتىسۋعا وتىنىمدەر الدىن الا ەلەكتروندى تۇردە قابىلداندى, مىندەتتى تۇردە شلەم مەن دارى­گەردىڭ رۇقساتى بولۋى كەرەك, – دەيدى استانا قالاسىنىڭ سپورتتىق-بۇقارالىق ءىس-شارالار وتكىزۋ ديرەكتسياسىنىڭ باسشىسى ازامات يماشەۆ.

سايىس سوڭى ماراپاتقا ۇلا­سىپ, جۇلدەلى ءۇش ورىننىڭ يەگەر­لەرىنە تۇرمىستىق تەحني­كا­لار, ال بالالارعا جاڭا ۆەلوسيپەدتەر تابىستالدى. ۇيىمداس­تىرۋ­شىلار ءاربىر قاتىسۋشىعا ەستە­لىك رەتىندە ارنايى مەدالدار بەردى.

8-9 جاس ساناتىندا 2 شاقى­رىم قاشىقتىقتا ەرجان قاناەۆ ءبىرىنشى بولىپ كەلدى, ال ونىڭ بالاسى ءالتايىر مارەگە ءتورتىنشى بولىپ جەتتى.

– بۇل جارىسقا ەكىنشى رەت قاتىسىپ وتىرمىز. وسىنداي وتباسىلىق مەرەكە ءۇشىن ۇيىم­داستىرۋشىلارعا العىس ايتامىز. ارينە, مۇنداي شارالار ەلوردادا كەڭىنەن وتكىزىلەدى. بيىل قاتىسۋشىلار مۇقيات دايىندالعان سياقتى. جارىس باستالعانشا بارىمەن تانىسىپ ۇلگەردىك. بىرەۋلەر جەڭىل اتلەتيكامەن, باسقالارى كۇرەسپەن, شاڭعى جارىسىمەن اينالىسادى ەكەن. سپورتپەن شۇعىلداناتىن ەلوردالىقتار كوبەيە تۇسكەن, – دەيدى ەرجان.

جارىس قورىتىندىسى بويىن­شا 8-9 جاستاعى بالالار اراسىندا ۆيشنياكوۆتار مارەگە ءبىرىنشى بولىپ كەلدى, زايتسەۆتەر وتباسى ەكىنشى, بەليشكيندەر ءۇشىنشى ورىنعا تابان تىرەدى. ەكىنشى جارىستا دجەنگيز اۋلەتى كوش باستادى. بىلتىر دا ولاردىڭ 10-11 جاس ساناتىندا ءبىرىنشى بولعاندارىن ايتا كەتكەنىمىز ءجون. وتاعاسى ۋفۋكۋ 50-دەن اسقان جاسىنا قاراماستان ءالى دە تىڭ ەكەنىن جارىستا تاعى ءبىر دالەدەدى. «جۇ­بايىم ەكەۋىمىز سپورتشىمىز. ول دزيۋدومەن, مەن 35 جىل بويى ەركىن كۇرەسپەن اينالىسامىن. ونىڭ ۇستىنە مارافوندارعا قاتىستىم. بۇگىنگى جارىس جاقسى ءوتتى. ناعىز وت­باسىلىق شارا. جاستارعا ەگدە جاسىما قاراماستان سپورت­­­پەن اينالىسۋعا بولاتىنىن كورسەتكىم كەلدى. ەڭ باس­تىسى, ديۆاندا جاتا بەرمەي, بالالارعا ۇلگى كورسەتىپ, وسىنداي جارىستارعا قاتىسۋ كەرەك», دەيدى ۋفۋك دجەنگيز. بۇل ساناتتا قوجانوۆتار وتباسى كۇمىس, تولەگەنوۆتار اۋلەتى قولا جۇلدە يەلەندى. 12-13 جاس سانا­تىندا ساليكجانوۆتار وتبا­سى ءبىرىنشى ورىن الدى. شەۆ­چەنكو وتباسى ەكىنشى, قۋانىش­باەۆتار ءۇشىنشى ورىن تۇعىرىنان كورىندى.

جەڭىمپازداردى ماراپاتتاۋ جانە قۇتتىقتاۋ سالتاناتى لوتەرەيا ۇتىسىمەن جالعاستى. جارىسقا قاتىسۋشىلار اراسىندا 5 ۆەلوسيپەد ويناتىلدى.

ميراس اسان,

«ەگەمەن قازاقستان»