اقپارات جانە كوممۋنيكاتسيالار ءمينيسترى داۋرەن اباەۆ وڭتۇستىك افريكا رەسپۋبليكاسىنىڭ دۋربان قالاسىندا ءوتىپ جاتقان حالىقارالىق تەلەكوممۋنيكاتسيالار وداعىنىڭ فورۋمىنا قاتىسىپ جاتىر, دەپ حابارلايدى «حابار 24».
حالىقارالىق تەلەكوممۋنيكاتسيالار وداعىنىڭ فورۋمى كورپوراتسيالار مەن جوعارى تەحنولوگيالار ءوندىرۋشى كومپانيالاردىڭ ءوزارا ءىس-قيمىلىن جەتىلدىرۋ ماقساتىندا ۇيىمداستىرىلعان. شارا اياسىندا ساندىق تەحنولوگيالاردىڭ كورمەسى وتەدى دەپ كۇتىلۋدە.
داۋرەن اباەۆ بۇل فورۋمدا «تسيفرلىق قازاقستان» باعدارلاماسىنىڭ ىسكە اسۋىمەن ءبولىستى. سونداي-اق ول شەتەلدىك ارىپتەستەرمەن كەزدەسىپ, ۇكىمەتتىك دەڭگەيدە ساندىق تەحنولوگيالاردى دامىتۋ جانە قاۋىپ-قاتەردەن ساقتانۋ جولدارىن تالقىلادى.