ءوز ءپانىنىڭ بىلگىرى بولۋ جەتكىلىكسىز

قازىرگى تاڭدا مەملەكەتتىك ءتىلدى, قارىم-قاتىناس ءتىلى – ورىس ءتىلى جانە الەمدىك كەڭىستىك ءتىلى – اعىلشىن ءتىلىن وقىتۋدا جاڭا يدەيالاردى ءار ساباقتا جان-جاقتى قولدانىپ, جاڭاشا وقى­تۋدىڭ ءتيىمدى جولدارىن تاۋىپ, جۇيەلى تۇردە قولدانۋ – زامان تالابى. ءۇش ءتىلدى وقىتۋ جانە بارلىق پاندەردى وقىتۋ بارىسىندا ۇشتىلدىلىك ساياساتتى ۇستانۋ وقۋشىلاردىڭ «عىلىمي ءتىلىن», كوممۋنيكاتيۆتىك داعدى­­لارىن دامىتادى.

سونداي-اق قازىر­گى بالالار اقپاراتتىق-كوممۋ­نيكاتسيالىق تەحنولوگيالاردى جاستايىنان قولدانادى, بىراق اقپاراتتى سىني قابىلداۋعا ۇيرەتۋ وتە ماڭىزدى. زامان تالا­بىنا ساي وقۋشى بويىندا سىن­دارلى ويلاۋ جانە اكت مۇمكىن­دىكتەرىن ءتيىمدى پايدالانۋ, ءارتۇرلى زەرتتەۋ داعدىلارىن قالىپتاستىرۋ ءۇشىن اكت ءپانى ەنگىزىلەدى. كريتەريالدى باعالاۋ جۇيەسى فيليپپين, سينگاپۋر, جاپونيا, فرانتسيا, فينليانديا سىندى دامىعان ەلدەردە پايدالانىلادى. بۇل باعالاۋ جۇيە­سىنىڭ ارتىقشىلىعى بالانىڭ ويلاۋ قابىلەتىن دامىتىپ, عى­لىممەن اينالىسۋىنا ىقىلاسىن تۋعىزادى, جان-جاقتى ىزدەنۋىنە ىنتالاندىرادى.

كىرىكتىرىلگەن ءبىلىم بەرۋ باع­دار­­لاماسىندا ءتىل پاندەرىنىڭ بەرىلۋ جايى دا وزگەشە. باعدار­­لا­ما وقۋشىنىڭ ءتورت تىلدىك داع­دى­­سىن, ياعني تىڭدالىم, ايتى­لىم, وقىلىم, جازىلىمدى جەتىل­دىرۋگە باعىتتالعان. بۇل ءتورت داعدى ءبىر-بىرىمەن تىعىز بايلانىستى. ياعني, جىل بويىنا بىرنەشە رەت قايتالانىپ وتىرادى جانە سىنىپ وسكەن سايىن تىلدىك ماقسات تا كۇردەلەنە تۇسەدى. وقۋشىلاردىڭ بويىنا ءححى عاسىردا ءومىردىڭ بارلىق سالاسىندا تابىستى بولۋى, قاجەتتى داعدىلاردى دارىتۋ ءۇشىن مۇعالىمدەر تىنىمسىز ەڭبەكتەنۋى كەرەك. جاڭارتىلعان وقۋ باعدارلاماسى اياسىندا تەك ءوز ءپانىن, ءوز ماماندىعىن شەكسىز سۇيەتىن, بالا ءۇشىن ۇستاز عۇمىرىن قۇدىرەتتى دەپ سانايتىن ءبىلىمدى مۇعالىمدەر عانا جۇمىس ىستەي الادى. جاڭا تەحنولوگيالاردى كۇندەلىكتى ساباق ۇردىسىندە پايدالانۋ, وقىتۋ ماقساتىنا جەتۋدىڭ ءتيىمدى جولدارىن كورسەتەدى. قازىرگى وقىتۋ بارىسىندا قولدانىلىپ جۇرگەن كوپتەگەن تەحنولوگيالار جەكە تۇلعانىڭ جەتىلۋىنە, وقۋدىڭ تيىمدىلىگىنىڭ نەگىزىن قۇرۋعا باعىتتالعان.

قازاق ءتىلىن وقىتۋدا ەڭ ءبىرىن­شى ەستەتيكالىق تالعامعا ساي بەزەندىرىلگەن كابينەت, وقۋدىڭ ءارتۇرلى قۇرالدارى, كەستەلەرى, وقۋلىقتارى, تەحنيكالىق قۇرال-جابدىقتارى, ينفورماتسيالىق قۇرالدارى بولۋى قاجەت. قا­زاق ءتىلى ءپانىنىڭ مۇعالىمى ءوز ساباقتارىن جاڭا ساتىعا كوتە­رۋ ءۇشىن شاكىرتتەرىنىڭ بىلىم­­­­­­­قۇمارلىق قاسيەتتەرىن دامىتىپ, ءدارىس الۋعا قىزىعۋشىلىعىن ارتتىرۋدى كوزدەيدى. مۇعالىم ساباق تۇسىندىرگەن كەزدە وقۋ­­شى­عا كۇش تۇسىرمەي جەڭىلدەن اۋىرعا قاراي, جالىقتىرماي, وقۋشىنىڭ تياناقتى ءبىلىم الۋىنا مۇمكىندىك تۋعىزۋى قاجەت.

ءار ساباقتىڭ مازمۇنىنا ساي ادىستەر مەن تاسىلدەر دۇرىس تاڭدالىپ, سارالانىپ وقىتىلۋى كەرەك. مەملەكەتتىك ءتىلدىڭ جوعارى دەڭ­گەيدە وقىتىلۋى وقۋشى ساناسىنا سىڭىرىلەتىن ءبىلىمنىڭ ساپاسىمەن ولشەنەدى. سوندىقتان دا ۇستازدىڭ ۇنەمى شىعارماشىلىق ىزدەنىستە بولۋى ماڭىزدى. كوم­پيۋ­تەرلىك تەحنيكانىڭ ديداك­تي­كالىق مۇمكىندىكتەرىن پەدا­گو­­گيكالىق ماقساتتارعا قول­دانۋ ءبىلىم مازمۇنىن انىق­تاۋدا, وقىتۋ فورمالارى مەن ادىس­تەرىن جەتىلدىرۋدە جاقسى اسەرىن تيگىزەدى. كومپيۋ­تەرلىك تەح­نيكانى, ينتەرنەت, تەلەكوم­مۋنيكاتسيالىق جەلى, ەلەكتروندى جانە تەلەكوم­مۋنيكاتسيالىق قۇرال­داردى, مۋلتيمەديالىق ەلەكتروندى وقۋلىقتاردى وقۋ ۇردىسىنە ءتيىمدى پايدالانۋ ار­قىلى ءبىلىم ساپاسىن كورسەتۋگە بولادى. بىراق جاڭا اقپاراتتىق تەحنولوگيانى قولدانىپ وقى­تۋدى ۇيىمداستىرۋدا كەدەرگى كەلتىرەتىن باسقا دا نەگىزگى فاكتورلاردى ەسكەرۋ كەرەك. ءبىلىم بەرۋ ءۇردىسىن اقپاراتتاندىرۋ – جاڭا اقپاراتتىق تەحنو­لو­­­­گيا­­لاردى پايدالانۋ ارقىلى دۇ­نيەجۇزىلىك وزىق تاجىري­بە­لەرگە سۇيەنىپ جاڭا ءتيپتى وقىتۋ, ءار وقۋشىنىڭ قابىلەتىن جان-جاقتى دامىتۋ ءۇشىن قولايلى جاعداي تۋعىزۋ, وقۋ-تاربيە ءۇردى­سىنىڭ بارلىق دەڭگەيىنىڭ تيىم­دىلىگى مەن ساپاسىن جوعارى­لا­تۋدى كوزدەيدى. الەم بويىن­شا اقپاراتتىق تەحنولوگيا سالاسىن­داعى جە­تىستىكتەردى پايدالا­نىپ, ءبىلىمنىڭ جاڭا دەڭگەيى مەن ساپاسىنا قول جەتكىزۋگە ۇمتى­لاتىن پەداگوگتىك جانە عىلى­مي قاۋىمداستىقتار ءتۇر­لى ەلدەردە قارقىندى دامۋ ۇستىن­دە.

سونىمەن قاتار ەلىمى­ز­دىڭ بولاشاعى – جارقىن, ءبىلىم­د­ى, پاراساتتى, انا تىلىندە ەر­كىن سويلەپ, ەلىن, حالقىن, مادە­نيە­تىن شەتەلگە تانىستىرا الاتىن ءۇش تىلدە ەركىن سويلەيتىن ازا­مات بولىپ شىعۋى كەرەك. كوم­پيۋتەرلىك تەلەكوممۋنيكاتسيالار بۇگىنگى قوعامدا ۇلكەن قولدانىسقا يە. قازىرگى زامان مۇ­عالىمى تەك ءوز ءپانىنىڭ تەرەڭ بىل­گىرى بولۋ عانا ەمەس, تاريحي-تا­نىمدىق, پەداگوگيكالىق-پسيحو­لوگيالىق ساۋاتتى, سايا­سي-ەكو­نو­ميكالىق جانە اقپا­رات­تىق-كوم­مۋ­نيكاتسيالىق ءبىلىمدى اقپا­رات­تىق قۇزىرلى مامان بولۋ كەرەك.

ەربول حارىگاش,

تىلەۋباي نەگىزگى مەكتەبىنىڭ باستاۋىش سىنىپ مۇعالىمى

پاۆلودار وبلىسى,

كاچير اۋدانى