Astana Marathon-2018 جىل سايىنعى حالىقارالىق مارافونى وتەدى

سپورتتىق شاراعا قاتىسۋعا قازاقستاننان جانە گەرمانيا, رەسەي, جاپونيا, يتاليا, وزبەكستان, ءباا, شۆەتسيا, وڭتۇستىك كورەيا, ۇلىبريتانيا, اقش, قىرعىزستان, فرانتسيا, تۇركيا, اۋستراليا, كەنيا, ەفيوپيا, ەريترەيا, گرۋزيا, ليۋكسەمبۋرگ جانە يسپانيا سىندى الەمنىڭ 20 مەملەكەتىنەن 4000-عا جۋىق ادام نيەت تانىتقان.

ۇيىمداستىرۋشىلار قاتىسۋشىلار سانى 5000-عا جۋىقتايدى دەپ وتىر, ونىڭ 320-سى – شەتەلدىك اگەنتتەر. مارافون قاشىقتىعىنىڭ باعىتىن  IAAF (حالىقارالىق جەڭىل اتلەتيكا فەدەراتسيالارىنىڭ قاۋىمداستىعى) سەرتيفيكاتتاعان. «Astana Marathon-2018» جاسى 18-دەن اسقان قاتىسۋشىلارعا 42.2 كم, ال 16 جانە ودان جوعارى جاستاعىلارعا 10 كم قاشىقتىقتى باعىندىرۋدى ۇسىنادى. مارافوننىڭ ەڭ قاشىق ديستانتسياسىن جۇگىرىپ وتۋگە 6 ساعات ۋاقىت بەرىلەدى. بۇل رەگلامەنتتە ۇلگەرمەگەن اتلەتتەر ديسكۆاليفيكاتسيالانىپ, باعىتتان الىنادى.

مارافونعا قاتىسۋ ءۇشىن www.astana42k.com سايتىندا ونلاين تىركەۋدەن ءوتۋ قاجەت. مارافونعا قاتىسۋ قۇنى 42.2 كم ديستانتسياعا – 8000 تەڭگە, 10 كم-گە – 4000 تەڭگە. قالىپتاسقان ءداستۇر بويىنشا جينالعان قاراجات قايىرىمدىلىق ماقساتتارعا باعىتتالادى. مارافون 16 قىركۇيەك, جەكسەنبى كۇنى ساعات 07:00 مەن ساعات 13:00 ارالىعىندا وتەدى. قاتىسۋشىلار جينالاتىن ورىن: رىسقۇلوۆ ك-ءسىنىڭ تۇركىستان ك-سىمەن قيىلىسى, ر4 تۇراعى (ەكسپو-ا قارسى) تاڭعى ساعات 06:00-دە. اتاپ وتەرلىگى, بيىل Astana Marathon حالىقارالىق مارافوندار جانە جۇگىرۋلەر قاۋىمداستىعىنا (AIMS) ەندى, سونداي-اق, استاناداعى جۇگىرۋ مارافونى حالىقارالىق جەڭىل اتلەتيكا فەدەراتسيالارى قاۋىمداستىعىنىڭ Bronze Label قۇرمەتتى سەرتيفيكاتىن الۋعا ۇمىتتەنىپ وتىر. كوپتەگەن شەتەلدىك اگەنتتەردىڭ Astana Marathon-دى وتەتىن اۋماقتاعى جەردىڭ جازىقتىعىنا جانە كليماتىنا بايلانىستى تاڭدايدى, ويتكەنى بۇل جاعدايلار جۇگىرۋشىلەرگە قاشىقتىقتى وڭاي باعىندىرۋعا جانە الەم رەكوردتار ورناتۋعا مۇمكىندىك بەرەدى.

سونداي-اق, بيىل ەفيوپيا, كەنيا, ەريترەيا جانە ۋگاندا ەلدەرىنەن قاتىسۋشىلار سانى كوپ. ەسكە سالساق, وتكەن جىلى Astana Marathon قازاقستاننىڭ 22 قالاسىنان جانە 19 مەملەكەتتەن 16 مەن 80 جاس ارالىعىنداعى 5 مىڭ قاتىسۋشىنىڭ باسىن قوستى. Astana Marathon 2017 شاراسىنا مارافوندىق ديستانتسيالاردا جوعارى ناتيجەلەر كورسەتىپ كەلە جاتقان كەنيالىق سايمون كيپرۋگۋت كيرۋي (Simon Kiprugut Kirui) جانە گەنري كيپسانگ (Henry Kipsang) سىندى الىس قاشىقتىقتاردى باعىندىراتىن اتلەتتەردىڭ قاتىسۋىمەن ەرەكشەلەندى. Astana Marathon-نىڭ باستالۋىنا نەگىز بولعان قايىرىمدىلىق جۇگىرۋلەر 2009 جىلدان بەرى وتكىزىلىپ كەلەدى. وسى ۋاقىت ىشىندە قازاقستاندىق قايىرىمدىلىق ۇيىمدارعا  جارىستاردى وتكىزۋدەن جيناقتالعان 36 ملن تەڭگە قارجى اۋدارىلدى.