قۇرلىقتىق حوككەي ليگاسىنىڭ (قحل) العاشقى تۋرلارىنىڭ قورىتىندىسى بويىنشا «بارىس» ەڭ كوپ سوققان كوماندالاردىڭ كوشىن باستاپ كەلەدى.
استانالىق حوككەيشىلەر قحل-دىڭ تۇراقتى بىرىنشىلىگىنىڭ العاشقى ءۇش كەزدەسۋىندە قارسىلاستار قاقپاسىن 14 مارتە ءدال كوزدەدى. ەكىنشى جانە ءۇشىنشى ورىنداردا – فينليانديانىڭ «يوكەريتى» مەن ومبىنىڭ «اۆانگاردى». ولار 13 گولدان سوقتى. ءتورتىنشى ساتىعا 11 شايبا سالعان تومەنگى نوۆگورودتىڭ «تورپەدو» جايعاستى. ەستەرىڭىزگە سالا كەتەيىك, ماۋسىمنىڭ تۇساۋكەسەر كەزدەسۋىندە جەرلەستەرىمىز نيجنەكامسكىنىڭ «نەفتەحيميگىن» 6:1 ەسەبىمەن ۇتتى. ەكىنشى باسەكەدە قازاننىڭ «اق بارسىنان» 3:4 ەسەبىمەن جەڭىلدىك. ءۇشىنشى ويىندا تومەنگى نوۆگورودتىڭ «تورپەدوسىمەن» كۇش سىناسىپ, وۆەرتايمدا 5:6 ەسەبىمەن ەسە جىبەردىك. وسى ءۇش ماتچتىڭ بارلىعىن دا «بارىس» سىرتتا وتكىزدى.
ءار كەزدەسۋ سايىن ءبىزدىڭ جىگىتتەر قارسىلاستار قاقپاسىنا توپىرلاتىپ گول سوعىپ جاتسا, ارينە, قۋانامىز. الايدا وسىنداي ناتيجەلى ويىن ورنەگىن كورسەتە وتىرىپ, جەڭىسكە قول جەتكىزە الماۋىمىز ءبىزدى قاتتىراق قىنجىلتادى. سونىڭ سالادارىنان قاجەتتى ۇپايلاردان ايىرىلىپ جاتقان جايىمىز بار. ماسەلەن, جوعارىدا ايتىلعان ءۇش ويىندا 14 گول سوققانىمىزبەن, ءوزىمىز 11 شايبا جىبەرىپ الدىق. قازاننىڭ «اق بارس», چەرەپوۆەتستىڭ «سەۆەرستال», ۆلاديۆوستوكتىڭ «ادميرال», ماسكەۋدىڭ «دينامو» جانە براتيسلاۆانىڭ «سلوۆان» كلۋبتارى دا ءدال سونداي جاعدايدى باسىنا كەشىرۋدە. ال وسى قولايسىزداۋ كورسەتكىش جاعىنان جوعارىدا اتالعان كوماندالاردىڭ الدىن حاباروۆسكىنىڭ «امۋرى» مەن نوۆوسيبيرسكىنىڭ ء«سىبىرى» وراپ تۇر. العاشقى ءۇش تۋردا ءوز قاكپاسىنا «امۋر» – 13, ء«سىبىر»14 شايبا جىبەردى.
ەندى الداعى ءتورت كەزدەسۋىن استانالىقتار ءوز مۇز ايدىنىندا وتكىزەدى. تارقاتىپ ايتساق, 12 قىركۇيەكتە نيجنەكامسكىنىڭ «نەفتەحيميگىن», 14 قىركۇيەكتە تومەنگى نوۆگورودتىڭ «تورپەدوسىن», 16 قىركۇيەكتە قازاننىڭ «اق بارسىن» جانە 18 قىركۇيەكتە ومبىنىڭ «اۆانگاردىن» قابىلدايدى.
عالىم سۇلەيمەن,
«ەگەمەن قازاقستان»