مۇناي باعاسى سوڭعى ءۇش ايدىڭ ىشىندەگى ەڭ جوعارى باعاعا كوتەرىلىپ, Brent ماركالى 1 باررەل – 77,24 دوللارعا تەڭەستى.
ساراپشىلاردىڭ پايىمداۋىنشا, الداعى ۋاقىتتا كومىرسۋتەگىنىڭ قىمباتتاۋ پروتسەسى جالعاسا بەرۋگە ءتيىس. سەبەبى اقش-تىڭ يرانعا قاتىستى سانكتسيالارى باعانىڭ وسۋىنە اسەر ەتەدى. شەتەلدىك باق-تاردىڭ حابارلاۋىنشا, قاراشا ايىندا اقش-تىڭ شەكتەۋ شارالارى كۇشىنە ەنەتىنىنە بايلانىستى قازىردىڭ وزىندە بىرقاتار كومپانيالار يران كەنىشتەرىندەگى جۇمىسىن توقتاتۋعا ءماجبۇر بولۋدا.
وتكەن اپتانىڭ سوڭعى كۇندەرى «قارا التىن» قۇنى بىردەن 9 پروتسەنتكە تومەندەگەنىن ايتا كەتەيىك. بۇعان الاپات داۋىلعا بايلانىستى مەكسيكا بۇعازىنداعى پلاتفورمالاردا ءوندىرىس كولەمى تومەندەگەنى كەرى اسەرىن تيگىزگەن.
ارنۇر اسقار,
«ەگەمەن قازاقستان»