اقتىق سىنعا وتكەندەر الاتاۋعا اتتانادى

ولاردىڭ ىشىندە زەرە امىر­بەكوۆا, دينار نادىربەكوۆا, سۇي­كىم قابىلبەك, دانەليا تولە­شوۆا, ەرجان ماكسيم, ماريا زاتۆار­نيتس­كايا, مەيىرجان جيدەباي, جا­نەليا قالدىبەك, سانات اسۋات, بينۋرا ساۋداباي بار. 

ىرىكتەۋدەن ىركىلمەي ءوتىپ, اقتىق سىنعا جولداما ال­عان ونەرپازدار الماتى قالاسىندا وتەتىن گالا-كونتسەرت­كە دايىندىقتى باستايدى, اتالعان شارا قالا كۇنىنە وراي 22 قىركۇيەكتە شاھار اكىمدىگىنىڭ قولداۋىمەن جۇزەگە اسادى.

«نەگىزگى ماقسات بالالاردىڭ ىشىن­دەگى ەڭ تالانتتى, ەڭ دارىندى ءانشىمىزدى حالىقارالىق جارىسقا اتتاندىرۋ. حالىقارالىق جارىس بەلارۋس ەلىندە وتەتىن بول­عاندىقتان, كونكۋرستىڭ فورماتى ەرەكشە بولاتىنى بەلگىلى. ورىندالاتىن شىعارمالاردىڭ دەڭگەيىن ءبىلۋ كەرەك. جانە ءبىزدىڭ ورىنداۋشىمىز ءوزىنىڭ وبرازى, ساحناداعى قوزعالىسى, مىنەز-قۇلقى, وبرازعا كىرىپ ورىن­داۋشىلىعى, سونىمەن قاتار بالالىق, سابيلىك نازىكتىگىن دە ساقتاپ, ەرەكشە سىمباتتى كورىن­سە, ول بالا جۇلدەسىز ورالمايدى», دەدى روزا رىمباەۆا.

الماتى قالاسىندا وتەتىن گالا-كونتسەرتتى «حابار» تەلەارناسى تىكەلەي ەفيردە كورسەتەدى. ال كورەرمەندەر وزدەرىنە ۇناعان قاتىسۋشىعا سمس-حابارلاما جولداپ جانە تەلەفون ارقىلى حابارلاسىپ داۋىس بەرە الادى. سونداي-اق داۋىس بەرۋگە قازىلار القاسى دا قاتىسادى. جەڭىمپاز حالىق داۋىسى جانە قازىلاردىڭ ورتاق شەشىمىمەن انىقتالادى. سونىمەن قاتار شارادا وتاندىق مۋزىكا سالاسىنىڭ ارتىستەرى دە ونەر كورسەتەدى دەپ جوس­پارلانۋدا. 

كونتسەرت اياقتالعان سوڭ جە­ڭىمپاز 25 قاراشا كۇنى مينسك قالاسىندا وتەتىن فينالعا دايىندالادى. 

ايتا كەتەتىن تاعى ءبىر جايت, رەس­پۋبليكالىق ىرىك­تەۋ­­گە وتىنىمدەر 1-31 تامىز ارا­لى­عىندا khabar.kz سايتى ار­­قىلى قابىلدانعان بولاتىن. جالپى سانى 134 ۇمىتكەر ءوتى­­نىش بىلدىرگەن. قىركۇيەك ايى­نىڭ باسىندا 11 ادامنان قۇ­رال­عان قازىلار القاسى ۇلت­تىق ىرىكتەۋدىڭ فيناليستەرىن انىق­تادى. ولاردىڭ قۇرامىندا روزا رىمباەۆا, مەي­رامبەك بەس­پاەۆ, تامارا اسار, باعىم مۇ­حيتدەنوۆا, ەركە ەسماحان, قايرات نۇرتاس, رەنات گاي­سين, ءلاي­لا سۇلتانقىزى, ءما­دينا سادۋا­قا­سوۆا, ديماش قۇداي­بەر­گەن جانە الان اجىباەۆ بار.

راۋان قايدار,

«ەگەمەن قازاقستان»