قىزىلوردادا مەملەكەتتىك جەكەمەنشىك ارىپتەستىك اياسىندا جاتاقحانالار مەن مەكتەپتەر سالىنادى.
ەلباسىنىڭ بەس الەۋمەتتىك باستاماسىنداعى تاپسىرمالاردىڭ ورىندالۋ جايى وبلىستا وتكەن سەمينار-كەڭەستە تالقىلاندى.
بۇگىندە باسقا وڭىرلەر سياقتى قىزىلوردا وبلىسىندا دا ءبىلىم وشاقتارىنا قابىلداناتىن وقۋشىلار سانى كوبەيگەندىكتەن وسى قادام جاقسى جاعىنان كورىنىپ جاتىر.
– كەلەر جىلدان باستاپ ء«بىلىم تۋرالى» زاڭداعى التى جاستان باراتىن بالالار نورماسى كۇشىنە ەنەدى. ول كەزدە ءۇش اۋىسىمدىق مەكتەپتەردىڭ تۋىنداۋ قاۋىپى بار. ەندى ءبىز مۇنى مەملەكەت تاراپىنان قويىلىپ وتىرعان تالاپ – جەكەمەنشىك مەكتەپتەردى دامىتۋ ارقىلى شەشەمىز, دەدى وبلىستىق ءبىلىم باسقارماسىنىڭ باسشىسى مايرا مەدەلبەكوۆا.
سول سياقتى جاتاقحانا ماسەلەسى دە شەشىمىن تاباتىن بولادى.
– مەملەكەت تاپسىرىس ارقىلى ءار جاتاتىن ورىنعا جاڭا قۇرىلىس بولسا 122 ايلىق ەسەپتىك كورسەتكىش تولەيدى. ال, مودەرنيزاتسياعا, بولماسا قايتۋ قۇرۋ, رەكونسترۋكتسيا تاسىلىمەن جاسالاتىن بولسا 47 ايلىق ەسەپتىك كورسەتكىشتەر ستۋدەنت باسىنا تولەنەدى. ودان باسقا جاتاقحانالاردى ءبىز بۇرىنعى جاتاقحانا ۇعىمىندا ەمەس, قازىرگى جاڭا ۇعىمدا ستۋدەنتتىك ءۇيىن جاساۋ كەرەك دەپ ۇسىنىس ايتىپ جاتىرمىز,-دەيدى «قازاقستاندىق مەملەكەتتىك-جەكەمەنشىك ارىپتەستىگى ورتالىعى», دەدى اق باسقارما توراعاسىنىڭ ورىنباسارى تالعات ماتاەۆ..
مەملەكەت ءۇشىن وزەكتى ماسەلەدەن كاسىپكەرلەردىڭ دە ۇتاتىنى كوپ. بىرىنشىدەن, مەملەكەتتىڭ دامۋىنا ۇلەس قوسسا, ەكىنشىدەن, تاپقان قارجىسى وزىنە ەسەلەپ تابىس اكەلمەك.
باقتيار تايجان,
«ەگەمەن قازاقستان».
قىزىلوردا وبلىسى.