QazaqGeography 2018 جىلعى 1 تامىزدا باستالىپ, 30 قىركۇيەككە دەيىن جالعاساتىن «مەنىڭ قازاقستانىم» فوتوبايقاۋىن جاريالايدى.
بايقاۋدىڭ مىندەتى — تابيعات, قالالار, ادامدار, استانا – ءتورت تاقىرىپتىق ساناتىنداعى ەڭ قىزىقتى, شىعارماشىل جانە ادەمى فوتوسۋرەتتەردى تابۋ. قازىلار القاسىنىڭ قۇرامىندا QazaqGeography باسشىلىعى قانات بايعارين جانە جانا رۇستەم, جوبالار مەنەدجەرى نۇرجان العاشوۆ, سونداي-اق, PrimeMinister.kz باس رەداكتورى الەكساندر بەليلوۆسكي جانە كاسىبي فوتوگرافتار دەونيسي ميت, ماكسيم زولوتۋحين بار.
ءاربىر تاقىرىپتىق ساناتتىڭ جەڭىمپازدارى سىيلىق سەرتيفيكاتتارىنا جانە باسقا دا جۇلدەلەرگە يە بولادى, ال قازىلار القاسى ىرىكتەگەن ۇزدىك فوتوسۋرەتتەر QazaqGeography فوتوكورمەسىندە ۇسىنىلادى.
استانا سۋرەتتەرى, سونداي-اق, ەلوردا تاريحى جونىندەگى قىزىقتى گرافيكالىق, ماتىندىك, كارتوگرافيالىق اقپاراتتى قامتيتىن «استانا: تاريح كەزەڭدەرى» ينتەراكتيۆتى جوباسىندا جاريالاناتىن بولادى.
فوتوبايقاۋعا قاتىسۋ ۇشىن QazaqGeography مۇشەسى بولۋ قاجەت. مۇشەلىك قوعامنىڭ ءىس-شارالارىنا جانە ەكسپەديتسيالارىنا قاتىسۋعا مۇمكىندىك بەرەدى.