مەملەكەت باسشىسى قالانى ءتيىمدى باسقارۋعا ارنالعان اۋقىمدى مالىمەتتەر (Big Data) پلاتفورماسىن قامتيتىن احۋالدىق ورتالىقتىڭ جۇمىسىمەن تانىستى, دەپ حابارلايدى اقوردانىڭ ءباسپاسوز قىزمەتى.
قالانىڭ 10 جۇيەسى مەن رەسپۋبليكالىق جۇيەنىڭ بىرىگۋى شاھارداعى اۆتوترافيك, قوعامدىق كولىكتەگى جۇرگىنشىلەر اعىنىنىڭ كۇندەلىكتى كولەمى, مەكتەپتەر مەن بالاباقشالاردىڭ جۇكتەمەسى, قىلمىستىق احۋال جونىندەگى مالىمەتتەردى تالداۋعا, سونداي-اق بيۋدجەتتىڭ ورىندالۋىنا مونيتورينگ جۇرگىزۋگە مۇمكىندىك بەرەدى.
سونىمەن قاتار, نۇرسۇلتان نازارباەۆقا الماتىنىڭ گولوگرافيكالىق ماكەتى ۇلكەيتۋگە, يميتاتسيالاۋعا جانە مەگاپوليستەگى ءتۇرلى ۇدەرىستەردى مودەلدەۋگە مۇمكىندىگى بار 3D-پروەكتسيا تۇرىندە تانىستىرىلدى.
قازاقستان پرەزيدەنتى «الماتى باس جوسپارى» عىلىمي-زەرتتەۋ ينستيتۋتىن ارالاپ كورگەن سوڭ الماتى قالاسىن ودان ءارى دامىتۋ جونىندە بىرقاتار تاپسىرما بەردى.