بۇگىن ۇكىمەت وتىرىسىندا قر پرەمەر-ءمينيسترى باقىتجان ساعىنتاەۆ دەنساۋلىق ساقتاۋ مينيسترلىگىنە مەديتسينالىق كومەكتىڭ ساپاسىن ارتتىرۋ بويىنشا قابىلدانعان شارالاردىڭ ءتيىمدى ورىندالۋىن قامتاماسىز ەتۋ ءۇشىن وڭىرلەرمەن بىرلەسە وتىرىپ جۇمىس جاساۋعا تاپسىرما بەردى, دەپ حابارلايدى قر پرەمەر-مينيسترلىگىنىڭ ءباسپاسوز قىزمەتى.
باياندامالاردى قاراۋ قورىتىندىسى بويىنشا, دەنساۋلىق ساقتاۋ مينيسترلىگىنىڭ بولاشاقتا اتقارىلۋى ءتيىس جۇمىستارىنىڭ تاسىلدەرى بەكىتىلدى. ءسوز اراسىندا پرەمەر-مينيستر بۇگىندە قىرۋار جۇمىستار جاسالىپ جاتقانىنا قاراماستان مەديتسينا سالاسىندا ءالى دە كەمشىن تۇستاردىڭ بار ەكەنى اتاپ ءوتتى. اسىرەسە اۋىلدى جەرلەردىڭ حالقى ساپالى مەديتسينالىق قىزمەتكە جەتكىلىكتى تۇردە قول جەتكىزە الماي وتىر. وسىعان وراي, دەنساۋلىق ساقتاۋ مينيسترلىگىنە وڭىرلەرمەن بىرلەسىپ ۇسىنىلعان شارالاردى ءتيىمدى ىسكە اسىرۋ تاپسىرىلدى.
استانا قالاسىندا اكىمدىكتىڭ باستاماسىمەن «ۇيدەگى دارىگەر» جوباسى ىسكە اسىرىلىپ جاتىر. جوباعا سايكەس قالاداعى تۇرعىن ءۇي كەشەندەرىنىڭ ءبىرىنشى قاباتتارىنان شاعىن امسك ورتالىقتارىن اشىلۋ كوزدەلىپ وتىر. بۇگىندە قالادا وسىنداي ءۇش ورتالىق ءوز جۇمىسىن باستادى. سونىمەن قاتار, 2016 جىلدان بەرى №8 قالالىق ەمحانانىڭ بازاسىندا العاشقى مەديتسينالىق كومەك دارىگەرلەرىنىڭ پراكتيكاسىن قۇرۋ جوباسى ىسكە اسىرىلعان بولاتىن, وندا دارىگەرلەر توپتىق پراكتيكانىڭ قۇرىلتايشىلارى بولىپ ايقىندالدى. جوبانى ىسكە اسىرۋ ناتيجەسىندە كونسۋلتاتسيالىق-دياگنوستيكالىق قىزمەتتەردى تۇتىنۋ 33%-عا تومەندەدى, دارىگەرلەر مەن مەيىرگەرلەردىڭ جالاقىسى 2 ەسەگە ۇلعايدى, مەديتسينالىق قىزمەت ساپاسىنىڭ ينديكاتورلارى 1,5 ەسەگە جاقساردى
سونداي-اق, باقىتجان ساعىنتاەۆ جەكە ينۆەستورلاردى تارتۋ ارقىلى مەديتسينا مەكەمەلەرىنىڭ ساپاسىن جاقسارتۋ سالاسىنداعى استانانىڭ وڭ تاجىريبەسىنە نازار اۋدارىپ, ونى باسقا وبلىستاردىڭ دا قولعا الۋىن تاپسىردى.
«دارىگەردىڭ الدىنداعى ۇزىن-سونار كەزەكتى مۇلدە ازايتۋ كەرەك. كەشە عانا سولتۇستىك قازاقستان وبلىسىندا بولىپ كەلدىك. جاڭادان شاعىن اۋدان بوي كوتەرىپ جاتىر. بۇرىن ول جەردە 600 ءۇي بولسا بۇگىندە ونىڭ بارلىعى ءسۇرىلىپ, ورنىنا 2000 پاتەر سالىنىپ وتىر. ەگەر بۇعان دەيىن ول جەردەگى ەمدەۋ مەكەمەسىنە 600 وتباسى تىركەلگەن بولسا, بۇگىندە ولاردىڭ سانى 2000-عا جەتىپ وتىر. جۇكتەمە كوبەيىپ كەلەدى», — دەپ قر پرەمەر-ءمينيسترى, ۇيلەردىڭ جوبالارىن ازىرلەۋ كەزىندە ءبىرىنشى قاباتتاردا حالىققا ارناپ ەمحانالار مەن بالاباقشالاردى ورنالاستىرۋ ماسەلەسىنە نازار اۋدارۋدى تاپسىردى. ءارى بۇل جۇمىستار بارلىق وڭىرلەردە ىسكە اسىرىلۋى ءتيىس ەكەنىن ەسكەرتتى.
باقىتجان ساعىنتاەۆ وتكەن جىلى مەملەكەت باسشىسى قازاقستان حالقىنا جولداۋىندا دەنساۋلىق ساقتاۋ سالاسىن قايتا رەتتەۋ ماسەلەسىنە باسا نازار اۋدارۋدى تاپسىرعانىن ەسكە سالدى. اسىرەسە شاعىن مەديتسينا ۇيىمدارىن قۇرۋ جانە سالاعا ينۆەستيتسيالار تارتۋ مۇمكىندىگى ەرەكشە اتالىپ وتكەن ەدى.
بۇدان وزگە, دەنساۋلىق ساقتاۋ مينيسترلىگىنە اقپارات جانە كوممۋنيكاتسيالار مينيسترلىگىمەن جانە اكىمدىكتەرمەن بىرلەسىپ, مەديتسينا سالاسىندا جۇرگىزىلىپ جاتقان رەفورمالار, ادامداردىڭ ساپالى مەديتسينالىق كومەك الۋىن جەڭىلدەتۋ ءۇشىن ەنگىزىلىپ جاتقان زاماناۋي تسيفرلىق تەحنولوگيالار تۋرالى حالىققا ءتۇسىندىرۋ جۇمىستارىن تۇراقتى نەگىزدە جۇرگىزىپ وتىرۋ تاپسىرىلدى.