ءبىلىم كۇنىندە الماتى وبلىسىندا 45 مىڭعا جۋىق ءبۇلدىرشىن تۇڭعىش رەت مەكتەپ تابالدىرىعىن اتتادى. ال ايماق بويىنشا ءبىر مەزەتتە 7 جاڭا وقۋ ورىنى پايدالانۋعا بەرىلىپ, وقۋشىلارعا ەسىك اشتى.
بۇگىن تالدىقورعان قالاسىندا دا قوس مەكتەپ پايدالانۋعا بەرىلىپ, العاشقى قوڭىراۋ سالتاناتى ءوتتى. وقۋشىلاردىڭ قۋانىشىن بولىسۋگە وبلىس اكىمى اماندىق باتالوۆ كەلىپ, ءبىلىم عيماراتىنىڭ تۇساۋكەسەرىنە قاتىستى.
- بۇگىن ايماقتا 45 مىڭعا جۋىق بالا العاش رەت مەكتەپكە قادام باسىپ وتىر. بۇل ەلىمىزدىڭ وركەندەپ, ۇرپاق سانىنىڭ ارتىپ كەلە جاتقاندىعىنىڭ كورىنىسى. وبلىستا بالالاردىڭ ءبىلىم الۋىنا تولىق جاعداي جاسالۋدا. جاڭا وقۋ جىلىنا 7 مەكتەپ پايدالانۋعا بەرىلدى. جالپى 22 وقۋ عيماراتى 6,8 ملرد تەڭگەدەن استام قارجىعا كۇردەلى جانە اعىمداعى جوندەۋدەن ءوتتى. جەتىسۋدا مەكتەپ سالۋ ءىسى جالعاسا بەرەدى. جىل سوڭىنا دەيىن تاعى 2 مەكتەپتىڭ قۇرىلىسى اياقتالادى. تالدىقورعان قالاسىندا 300 ورىندىق مۋزىكا مەكتەبىنىڭ قۇرىلىسى اياقتالۋعا جاقىن. وسىنىڭ بارلىعى ۇرپاقتىڭ ساپالى ءبىلىم, سانالى تاربيە الۋى ءۇشىن مەملەكەت تاراپىنان جاسالعان قامقورلىقتىڭ ۇلگىسى, - دەدى ءوز سوزىندە ايماق باسشىسى.
تالدىقورعان قالاسىندا قولدلانىسقا بەرىلگەن 2 مەكتەپتە 1200 وقۋشىعا ارنالعان. ءبىلىم شاڭىراقتارىنىڭ ماتەريالدىق-تەحنيكالىق بازاسى تولىقتاي جابدىقتالىپ, زامانعا ساي ءبىلىم بەرۋگە لايىقتالعان.
قالماحانبەت مۇقامەتقالي,
«ەگەمەن قازاقستان»
الماتى وبلىسى
سۋرەتتى تۇسىرگەن ايدىن نۇرشانوۆ