23-25 تامىز ارالىعىندا اقتوبە وبلىسىنىڭ بايعانين اۋدانى قۇرىلعانىنا 90 جىلدىعىن اتاپ وتۋدە. اتاۋلى داتاعا ارنالعان شاراعا استانا, الماتى, تۇركىستان, قىزىلوردا, اتىراۋ, ماڭعىستاۋ, سولتۇستىك قازاقستان جانە باتىس قازاقستان وبلىستارىنان 350-دەن استام قوناقتار قاتىسۋدا. جۇما, 24 تامىزدا قاراۋىلكەلدى اۋىلىندا وتكەن شاراعا وبلىس بەردىبەك ساپارباەۆ قاتىستى.
بۇل كۇنى ورتالىق ستاديوندا سالتاناتتى تەاترلاندىرىلعان كونتسەرتتىك شارا بولدى. بۇل تاۋەلسىز قازاقستاننىڭ قالىپتاسۋ تاريحى تۋرالى باياندايتىن كوركەم قويىلىم بولدى.
وبلىس اكىمى قۇتتىقتاۋ سوزىندە بايعانين اۋدانىنىڭ ۇلتتىق مادەني داستۇرلەردى ساقتاۋدا جانە ايماقتىڭ دامۋىنا ەرەكشە ۇلەس قوسىپ كەلە جاتقانىن اتاپ ءوتتى.
ء«بىر جىل بۇرىن مەملەكەت باسشىسى «رۋحاني جاڭعىرۋ» باعدارلاماسىن جاريالادى. بۇگىندە قازاقستان الەمدەگى باسەكەگە قابىلەتتى 50 ەلدىڭ قاتارىنا ەنگەن الەمدىك ارەناداعى ەڭ ماڭىزدى مەملەكەتتەردىڭ ءبىرى بولىپ تابىلادى. ديناميكالىق ەكونوميكالىق ءوسۋ جاعدايىندا ۇلتتىق سايكەستىكتى ۇمىتپاۋ جانە ونى ۇرپاقتارعا جالعاستىرۋ ماڭىزدى. وسى جەردەن شىعىپ, ۇلتتىق مادەنيەتكە ۇلەس قوسقانداردىڭ ۇلەسىن اسىرا باعالاماۋ مۇمكىن ەمەس, بۇل جەردە ۇلى اقىندار, جىرشىلار, ەڭبەكتەرى ۇلتتىڭ بايلىعى بولعان عالىمدار تۋعان. جەر بايلىعى دا بۇكىل ءوڭىردىڭ دامۋىنا قىزمەت ەتەدى, - دەپ وبلىس اكىمى ءوڭىردىڭ ودان ءارى گۇلدەنۋىنە تىلەگىن ارنادى.
ساپار بارىسىندا ءوڭىر باسشىسى, سونداي-اق جاستار كوۆوركينگ ورتالىعى مەن مۇمكىندىگى شەكتەۋلى بالالارعا ارنالعان شاعىن-وڭالتۋ ورتالىعىنىڭ قۇرىلىسىمەن تانىستى. جەرگىلىكتى اۋىل شارۋاشىلىعى ونىمدەرىنىڭ جانە قولونەر شەبەرلەرىنىڭ جارمەڭكەسىنە قاتىسىپ, جازۋشىلار ورتالىعىنىڭ جاڭا اللەياسىن قاراپ شىقتى. بارلىق ءۇش جوبا بيزنەستىڭ الەۋمەتتىك جاۋاپكەرشىلىگى اياسىندا جۇزەگە اسىرىلادى. اتاپ ايتقاندا, وڭالتۋ ورتالىعىنىڭ قۇرىلىسىن «CNPC-اقتوبەمۇنايگاز» اق قارجىلاندىرادى. اشىلۋى بيىلعى جىلدىڭ قازان ايىنا جوسپارلانعان. مۇندا ماماندار 50 بالاعا قىزمەت كورسەتە الادى. اۋداندا مۇگەدەكتىگى بار 76 بالا تىركەلگەن. سونىمەن قاتار, كوۆوركينگ ورتالىعى «ككبك « ۇلى قابىرعا» جشس ەسەبىنەن تۇرعىزىلۋدا.
سونىمەن قاتار, ايماق باسشىسى جاڭا سپورت الاڭدارىن قاراپ شىقتى. ولاردىڭ ءبىرى قاراۋىلكەلدى اۋىلىنىڭ ورتا مەكتەبىنىڭ اۋماعىندا بولسا, باسقا قۇرىلىستار «سامۇرىق-قازىناTrust» الەۋمەتتىك جوبالاردى دامىتۋ قورىنىڭ قولداۋىمەن جالعاسۋدا.
سەنبى كۇنى اۋدان ورتالىعىندا ۇلتتىق سپورت تۇرلەرى قازاقشا كۇرەس, الامان بايگە, توق بايگە, كوكپار تارتۋ, تەڭگە ءىلۋ, اۋدارىسپاقتان اۋقىمدى جارىستار بولادى. جەڭىمپازدار اقشالاي سىيلىقتارمەن ماراپاتتالادى.
تەمىر قۇسايىن